កូវ៉ែតបាននិយាយថា បានដោះស្រាយជាមួយយានដ្រូននាព្រឹកថ្ងៃពុធនេះ ហើយបារ៉ែនបានបន្លឺសំឡេងស៊ីរ៉ែនវាយប្រហារតាមអាកាស ហើយបានប្រាប់សាធារណជនឲ្យស្វែងរកកន្លែងជ្រកកោន បន្ទាប់ពីអ៊ីរ៉ង់បាននិយាយថា ខ្លួនបានបើកការវាយប្រហារលើមូលដ្ឋានយោធារបស់សហរដ្ឋអាមេរិក នៅក្នុងតំបន់នេះ។

កងទ័ពកូវ៉ែតបាននិយាយនៅក្នុងការបង្ហោះមួយនៅលើប្រព័ន្ធផ្សព្វផ្សាយសង្គមថា ប្រព័ន្ធការពារដែនអាកាស កំពុងស្ទាក់ចាប់គោលដៅវាយប្រហារផ្លូវអាកាសរបស់សត្រូវ ស្របតាមនីតិវិធីប្រតិបត្តិការដែលត្រូវបានអនុម័ត។

ក្រសួងមហាផ្ទៃបារ៉ែនបានប្រាប់សាធារណជនឲ្យស្វែងរកកន្លែងជ្រកកោន ស្របពេលមានសំឡេងស៊ីរ៉ែនវាយប្រហារតាមអាកាស នៅក្នុងរដ្ឋឈូងសមុទ្រនេះ។

ទន្ទឹមនឹងនេះ កងកម្លាំងប្រដាប់អាវុធហ្ស៊កដានីបាននិយាយថា ពួកគេបានស្ទាក់ចាប់ និងបាញ់ទម្លាក់មីស៊ីលចំនួន ៥គ្រាប់ ដែលបាញ់ចេញពីអ៊ីរ៉ង់ឆ្ពោះទៅកាន់តំបន់ Al-Azraq នៅ⁠ក្នុងប្រទេសនេះ៕