ប្រធានាធិបតីទួរគី លោក រ៉េសិប តាយីប អឺដូហ្កាន់ បាននិយាយនៅថ្ងៃពុធនេះថា ការវាយប្រហាររបស់អ៊ីស្រាអែលលើប្រទេសស៊ីរី និងលីបង់ បានឈានដល់ចំណុចមួយដែលពួកគេក៏គំរាមកំហែងដល់ប្រទេស ទួរគីផងដែរ ដោយបន្ថែមថា «ការឈ្លានពាន» របស់អ៊ីស្រាអែល បានបង្កការគំរាមកំហែងដល់ពិភពលោកទាំងមូល ហើយត្រូវតែបញ្ឈប់ជាបន្ទាន់។

ថ្លែងទៅកាន់សមាជិកសភានៅក្នុងសភា លោក អឺដូហ្កាន់ ក៏បាននិយាយផងដែរថា មានគំនិតផ្តួចផ្តើមដែលដឹកនាំដោយអ៊ីស្រាអែល ដើម្បីធ្វើឲ្យតំបន់មេឌីទែរ៉ាណេមិនមានស្ថិរភាព ហើយបានព្រមានថា «គ្មាននរណាម្នាក់គួរដេញតាមដំណើរផ្សងព្រេង» ឬចូលរួមជាមួយ «ទូកនៃអំពើអាក្រក់» របស់អ៊ីស្រាអែលឡើយ ដោយលើកឡើងថា វិធានការដែលរំលោភលើសិទ្ធិរបស់ជនជាតិទួរគី និងជនជាតិស៊ីបទួរគី នឹងត្រូវបានឆ្លើយតបយ៉ាងច្បាស់លាស់ និងខ្លាំងក្លាបំផុត៕