យោធា បាន​ឲ្យ​ដឹង​ថា ឧទ្ធម្ភាគចក្រ Mi-17 របស់កងទ័ពប៉ាគីស្ថាន បានធ្លាក់នៅជិតទីក្រុង​ Muzaffarabad នៅ​ថ្ងៃពុធ (ទី​១០ ខែមិថុនា ឆ្នាំ២០២៦) នេះ​ ក្នុង​អំឡុងពេលហោះឡើង ដែល​តាម​សេចក្ដី​រាយការណ៍​គឺ​ដោយសារកំហុសបច្ចេកទេស។

យោងតាមស្ថាប័ន​ទំនាក់ទំនងសាធារណៈអន្តរសេវាកម្ម (ISPR) បាន​ឲ្យដឹងថា បុគ្គលិកទាំងអស់ នៅលើយន្តហោះ បានបាត់​បង់​ជីវិត នៅក្នុងគ្រោះថ្នាក់នេះ ដោយគ្មានអ្នកនៅ​រស់រានមានជីវិតឡើយ។

ឧទ្ធម្ភាគចក្រនេះគឺជាផ្នែកមួយនៃប្រតិបត្តិការអាកាសចរណ៍របស់​កងទ័ពប៉ាគីស្ថាន នៅពេលដែលវាបានធ្លាក់ភ្លាម​ៗ បន្ទាប់ពីហោះឡើងនៅតំបន់ភ្នំរបស់​តំបន់ Kashmir គ្រប់គ្រងដោយប៉ាគីស្ថាន ដែលត្រូវបានគេស្គាល់ផងដែរថា តំបន់​ Azad Jammu និង Kashmir។

ក្រុមជួយសង្គ្រោះ និងក្រុមរុករកត្រូវបានបញ្ជូនទៅកន្លែងធ្លាក់ភ្លាមៗ ដើម្បីយកសាកសព និងធានាសុវត្ថិភាពតំបន់នោះ។ ISPR បានឲ្យ​ដឹង​ថា ក្រុមប្រឹក្សាស៊ើបអង្កេត ត្រូវបានបញ្ជាឲ្យ​កំណត់មូលហេតុពិតប្រាកដនៃកំហុសបច្ចេកទេសដែលនាំឲ្យ​មានការធ្លាក់នេះ​។

ព័ត៌មានលម្អិតបន្ថែម អំពីអត្តសញ្ញាណ និងចំនួនបុគ្គលិកយោធានៅលើឧទ្ធម្ភាគចក្រ មិនទាន់ត្រូវបានចេញផ្សាយនៅឡើយទេ៕