ចក្រភពអង់គ្លេស អូស្ត្រាលី និងកាណាដា នៅថ្ងៃព្រហស្បតិ៍នេះ បានបង្កើតមូលនិធិសន្តិភាពមួយ ដើម្បីបំពេញបន្ថែមកិច្ចខិតខំប្រឹងប្រែងកាន់តែទូលំទូលាយ ឆ្ពោះទៅរកដំណោះស្រាយរដ្ឋពីរ ចំពោះជម្លោះអ៊ីស្រាអែល-ប៉ាឡេស្ទីន ដោយប្រទេសនីមួយៗ បានចូលរួមវិភាគទានចំនួន ១ លានផោន (១,៣៤ លានដុល្លារ) ដល់គំនិតផ្តួចផ្តើមនេះ។

ខាងក្រោមនេះ គឺជាព័ត៌មានលម្អិតសំខាន់ៗអំពីមូលនិធិនេះ ដូចដែលបានកំណត់ដោយរដ្ឋាភិបាលអង់គ្លេស៖

មូលនិធិនេះ នឹងផ្តោតលើគម្រោងមូលដ្ឋានថ្មីៗ និងគម្រោងដែលមានស្រាប់ ជាពិសេសគម្រោងដែលរួមមានក្រុមយុវជន អង្គការសង្គមស៊ីវិល និងស្ត្រី។

មូលនិធិចំនួន ៣ លានផោន នឹងស្វែងរកការពង្រីក និងទាក់ទាញអ្នកបរិច្ចាគបន្ថែម នៅពេលដែលដំណើរការ។

មូលនិធិនេះ ត្រូវបានប្រកាស មុនកិច្ចប្រជុំនៅប្រទេសអង់គ្លេស រវាងរដ្ឋមន្ត្រីការបរទេសចក្រភពអង់គ្លេស លោកស្រី Yvette Cooper និងសមភាគីអូស្ត្រាលី និងកាណាដារបស់ខ្លួន គឺលោកស្រី Penny Wong និងលោកស្រី Anita Anand៕