សហភាពអឺរ៉ុប និងកូរ៉េខាងត្បូង បានចុះហត្ថលេខាលើកិច្ចព្រមព្រៀងពាណិជ្ជកម្មឌីជីថលមួយកាលពីថ្ងៃពុធ ១០ មិថុនា ដែលត្រូវបានបង្កើតឡើងដើម្បីធ្វើឱ្យប្រតិបត្តិការឌីជីថលកាន់តែងាយស្រួល និងពង្រឹងចំណងសេដ្ឋកិច្ចរវាងដៃគូនានានៅក្នុងកិច្ចប្រជុំកំពូលលើកដំបូងរបស់ខ្លួនក្នុងរយៈពេលបីឆ្នាំ។

កិច្ចព្រមព្រៀងពាណិជ្ជកម្មឌីជីថល និងកិច្ចសហប្រតិបត្តិការផ្សេងទៀតដែលបានព្រមព្រៀងគ្នានៅក្នុងកិច្ចប្រជុំកំពូល ដូចជាការផ្លាស់ប្តូរព័ត៌មានសន្តិសុខសម្ងាត់ និងកំណត់ត្រាឈ្មោះអ្នកដំណើរ គឺជាផ្នែកមួយនៃការជំរុញរបស់ភាគីទាំងពីរដើម្បីបង្កើតសម្ព័ន្ធភាពថ្មី និងពង្រឹងសម្ព័ន្ធភាពដែលមានស្រាប់ នៅពេលមានភាពមិនច្បាស់លាស់ខាងភូមិសាស្ត្រនយោបាយកាន់តែខ្លាំង រួមទាំងពន្ធរបស់សហរដ្ឋអាមេរិក ការកម្រិតការនាំចេញរបស់ចិន និងជម្លោះនៅអ៊ុយក្រែន និងមជ្ឈិមបូព៌ា។

កិច្ចព្រមព្រៀងឌីជីថល ជាការបំពេញបន្ថែមកិច្ចព្រមព្រៀងពាណិជ្ជកម្មសេរីដែលបានចូលជាធរមានក្នុងឆ្នាំ២០១១ ត្រូវបានបង្កើតឡើងដើម្បីសម្រួលដល់លំហូរទិន្នន័យឆ្លងកាត់ព្រំដែន ទទួលស្គាល់កិច្ចសន្យាអេឡិចត្រូនិក និងហត្ថលេខាអេឡិចត្រូនិក និងកំណត់ច្បាប់ស្តីពីការការពារអ្នកប្រើប្រាស់។

សហភាពអឺរ៉ុប គឺជាដៃគូធំបំផុតទីបីរបស់កូរ៉េខាងត្បូង ក្នុងការជួញដូរទំនិញ ខណៈដែលកូរ៉េខាងត្បូង គឺជាដៃគូធំបំផុតទីប្រាំបីសម្រាប់សហភាពអឺរ៉ុប៕