ប្រភពព័ត៌មានពីយោធាបានប្រាប់ទីភ្នាក់ងារសារព័ត៌មាន Petra ថា ប្រតិបត្តិការស្ទាក់ចាប់ បានបណ្តាលឱ្យបំណែកមីស៊ីលជាច្រើនធ្លាក់ដោយគ្មានមនុស្សណាម្នាក់រងរបួស ឬបង្កការខូចខាតសម្ភារៈឡើយ។

ប្រភពព័ត៌មាននេះបាននិយាយថា អង្គភាពវិស្វកម្មបានដោះស្រាយសំណល់នៃមីស៊ីលទាំងនោះ ដើម្បីធានាបានថាគ្មានសម្ភារៈផ្ទុះនៅសេសសល់ឡើយ។

កងឆ្មាំបដិវត្តន៍អ៊ីស្លាមអ៊ីរ៉ង់ (IRGC) បាននិយាយថា ខ្លួនបានកំណត់គោលដៅលើមូលដ្ឋានកងទ័ពអាកាស al-Azraq ក្នុងប្រទេសហ្ស៊កដានីសម្រាប់យប់ទីពីរជាប់ៗគ្នា ដោយបានបាញ់មីស៊ីលបាលីស្ទីកចំនួន ១២ គ្រាប់ទៅលើមូលដ្ឋានរបស់សហរដ្ឋអាមេរិក។