នាយករដ្ឋមន្ត្រីអង់គ្លេស លោក Keir Starmer នៅក្នុងសេចក្តីថ្លែងការណ៍រួមគ្នាជាមួយក្រសួងការពារជាតិរបស់ប្រទេសនេះថា កងកម្លាំងប្រដាប់អាវុធអង់គ្លេស បានឃាត់ទុកនាវាដឹកប្រេង Smyrtos ដែលត្រូវបានគេសង្ស័យថា ជាកម្មសិទ្ធិរបស់កងនាវាស្រមោលរុស្ស៊ី នៅច្រកសមុទ្រ English Channel។

យោងតាមសេចក្តីថ្លែងការណ៍ មន្ត្រីកងបញ្ជាការកងម៉ារីន និងទីភ្នាក់ងារឧក្រិដ្ឋកម្មជាតិ បានឡើងលើនាវា ដែលត្រូវបានឃាត់ទុក ដែលជាផ្នែកមួយនៃប្រតិបត្តិការលើកដំបូងរបស់ខ្លួន។

ប្រភពបើកចំហសាធារណៈបានបញ្ជាក់ថា នាវាដឹកប្រេង Smyrtos មានទង់ជាតិកាមេរូន។ នាវាដែលមានប្រវែង ២៤៣ ម៉ែត្រនេះ បច្ចុប្បន្នកំពុងចតនៅជិតកោះ Portland របស់អង់គ្លេសនៅច្រកសមុទ្រ English Channel នៃឆ្នេរ Dorset នៅភាគនិរតីនៃប្រទេសនេះ ហើយត្រូវបានត្រួតពិនិត្យសម្រាប់ហានិភ័យបរិស្ថាន ឬការគំរាមកំហែងសន្តិសុខដែលអាចកើតមាន។

ពុំទាន់មានព័ត៌មានណាមួយត្រូវបានផ្តល់ឲ្យនៅឡើយទេទាក់ទងនឹងក្រុមនាវិកនៃនាវានេះ៕