វិទ្យាស្ថានពហុបច្ចេកទេសតេជោសែន ក្រុងតាខ្មៅ ខេត្តកណ្តាល នៅព្រឹកថ្ងៃទី១៥ខែមិថុនានេះ បានសហកាជា​​​មួ​​យ​​​​​​​​អា​​​​ជ្ញាធរខេត្តកណ្តាល រៀបចំប្រារព្ធទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ លើកទី៩ ឆ្នាំ២០២៦ ក្រោមប្រ​​​ធា​​​​ន​​​​បទ «TVET ផ្តល់ជំនាញ ការងារ និងប្រាក់ចំណូល» ក្រោមអធិបតីភាពឯកឧត្តម នុត ពុធដារ៉ា អភិបាលរងខេត្តកណ្តាល តំ​​ណាងឯកឧត្តមអភិបាលខេត្ត។ ពិធីនេះ ប្រារព្ធធ្វើឡើងនៅវិទ្យាស្ថានពហុបច្ចេកទេសតេជោសែន ដោយមានការការចូ​​ល​​​​រួ​​​​​មពីមន្រ្តីមន្ទីរក្រសួងការងារ បណ្តុះបណ្តាល និងវិជ្ជាជីវៈខេត្តកណ្តាល អាជ្ញាធរមូលដ្ឋាន លោកគ្រូ អ្នកគ្រូ និងសិស្ស និ​​​​ស្សិ​​​​​​​​ត​​ជាដើម។

 នៅក្នុងអង្គពិធីឯកឧត្តម នុត ពុធដារ៉ា អភិបាលរងខេត្តកណ្តាល បានមានប្រសាសន៍ថា បច្ចុប្បន្នទីផ្សារការងារស​​​ម្រាប់​ខេត្តកណ្តាល កំពុងមានតម្រូវការការងារជំនាញខ្ពស់បំផុត តាមរយៈគម្រោងវិនិយោគធំៗដូចជា៖ អាកាសយានដ្ឋានអន្ត​​រជាតិតេជោ និងរោងចក្រ សហគ្រាសជាដើម។ លើសពីនេះ ឯកឧត្តមក៍បានអំពាវនាវដល់យុវជនត្រូវខិតខំប្រឹងប្រែងរៀ​​នសូត្រ និងរៀនជំនាញឱ្យចេះពិតប្រាកដ ដើម្បីអាចរកប្រាក់ចំណូលផ្គត់ផ្គង់ជីវភាពរស់នៅប្រចាំថ្ងៃ។

 យុវជនបានលើកឡើងដែរថា ការរៀនជំនាញនៅវិទ្យាស្ថានពហុបច្ចេកទេសតេជោសែន គ្រូបណ្តុះបណ្តាល ​​បា​​នយ​​ក​​​​ចិ​​​​ត្ត​​ទុ​​កដាក់ ហើយឥលូវនេះកំពុងរៀនជំនាញបណ្តើរ និងធ្វើការបណ្តើរ ទទួលបានចំណូលសមរម្យអាចផ្គត់ជីវភាពរស់នៅ​​​​​​ប្រ​​​​ចាំថ្ងៃ​​បានល្អជាងមុន។ យុវជនទាំងនោះបន្តថា ការរៀនជំនាញបច្ចេកទេសចេះពិតប្រាកដមិន​ពិបាករកការងារធ្វើនោះ​​​​ទេ ម្លោះហើ​​​​យសូមឱ្យយុវជនដែលមិនទាន់មានការងារធ្វើគួររៀនជំនាញបច្ចេកទេសផ្សេងៗ ដើម្បីកែប្រែជីវភាពរស់នៅ និ​​​​​​​​​​ងចូ​​​​​​​​ល​​រួ​​មចំណែ​​កអភិវឌ្ឍប្រទេសជាតិ។

យោងតាមរបាយការណ៍របស់វិទ្យាស្ថានពហុបច្ចេកទេសតេជោសែន បានបង្ហាញថា ចំនួនសិស្ស និ​ស្សិ​​ត បានប​​ញ្ច​​​ប់កា​រសិក្សាគ្រប់កម្រិតនៅឆ្នាំ២០២៥ មានចំនួនសរុប ១,៧០០នាក់ ក្នុងនោះស្រីចំនួន២៧០នាក់ ដោយមានអត្រាការងារចំ​​នួនប្រមាណ៩៦ភាគរយ។ រីឯសិស្ស និស្សិតកំពុងសិក្សានៅឆ្នាំ២០២៦ សរុបចំនួនជាង១ពាន់នា​​ក់​​ ក្នុ​​​ងនោះ​ស្រីចំនួន១​​៤២​​នាក់។

គួរបញ្ជាក់ដែរថា រាជរដ្ឋាភិបាលកម្ពុជា បានកំណត់យកថ្ងៃទី១៥ ខែមិថុនា ជារៀងរាល់ឆ្នាំ ដើម្បីប្រារព្ធទិវាជា​​តិអប់រំបណ្តុះបណ្តាលបច្ចេកទេស និងវិជ្ជាជីវៈ ក្នុងគោលបំណងលើកកម្ពស់គុណភាព គុណតម្លៃ និងកិត្តិនាមនៃការ​​​អប់រំបណ្តុះបណ្តា​​លបច្ចេកទេស និងវិជ្ជាជីវៈ តាមរយៈការផ្សព្វផ្សាយ ការជំរុញ និងលើកទឹកចិត្តទៅសិ​​ស្សា​​នុសិ​​ស្ស​​ និស្សិត យុវជន និងសាធារណៈជនឱ្យយល់ដឹងកាន់តែច្បាស់ និងទូលំទូលាយ អំពីសារៈសំខាន់នៃការអប់រំបណ្តុះ​​បណ្តាលបច្ចេកទេស និងវិជ្ជាជីវៈ ព្រមទាំងចូលរួមយ៉ាងសកម្មក្នុងការអភិវឌ្ឍកម្លាំងពលកម្មជំនាញប្រ​​កបដោ​​យ​គុណភាព ដើម្បីឆ្លើយតបទៅនឹងតម្រូវការទីផ្សារការងារទាំងក្នុង និងក្រៅប្រទេស។អត្ថបទ៖ទូច សោភ័ណ