នាយករដ្ឋមន្រ្តីឥណ្ឌាលោក Narendra Modi និយាយអំឡុងដំណើរទស្សនកិច្ចរបស់លោកទៅកាន់ប្រទេសស្លូវ៉ាគីនាថ្ងៃចន្ទនេះថា ប្រទេសរបស់លោក និងប្រទេសស្លូវ៉ាគី បានឯកភាពបង្កើនទំនាក់ទំនងទ្វេភាគីដល់កម្រិតភាពជាដៃគូយុទ្ធសាស្រ្ត ។

លោក Modi មាននូវជំនួបជាមួយសមភាគីស្លូវ៉ាគីលោក Robert Fico នៅក្នុងទីក្រុង Bratislava ហើយប្រទេសទាំង ២ បានយល់ព្រមបង្កើនកិច្ចសហប្រតិបត្តិការលើវិស័យជាច្រើន រួមទាំបច្ចេកវិទ្យាឌីជីថល និងវិស័យការពារជាតិផងដែរ ។

លោក Modនិយាយថា លោកពេញចិត្តណាស់កាលដែលពួកយើងចុះហត្ថលេខាលើលិខិតបញ្ជាក់ពីបំណងនៅថ្ងៃនេះ លើវិស័យសំខាន់មួយនេះ គឺវិស័យការពារជាតិ ។

លោកបន្តថា នេះនឹងផ្តល់នូវកម្លាំងចលករថ្មីដល់ការអភិវឌ្ឍរួមគ្នា ផលិតកម្មរួមគ្នា និងកិច្ចសហប្រតិបត្តិការរវាងឧស្សាហកម្មការពារជាតិប្រទេសទាំង ២ ។

ដំណើរទស្សនកិច្ចរបស់លោក Modi ក្លាយជាដំណើរទស្សនកិច្ចលើកដំបូងមិនធ្លាប់មានដោយនាយរដ្ឋមន្រ្តីឥណ្ឌាទៅកាន់ប្រទេសនៅអឺរ៉ុបមួយនេះ ចាប់តាំងពីពួកគេទទួលបានឯករាជ្យកាលពីឆ្នាំ ១៩៩៣ ។

លោក Modi នឹងបន្តដំណើររបស់លោកទៅកាន់ប្រទេសបារាំង ក្រោយបញ្ចប់ដំណើរទស្សនកិច្ចនៅស្លូវ៉ាគី ជាទីដែលលោកចូលរួមកិច្ចប្រជុំកំពូលប្រទេសមានឧស្សាហកម្មលូតលាស់ G7 និងចូលរួមជំនួបជាមួយក្រុមមេដឹកនាំពិភពលោក រួមទាំងប្រធានាធិបតីសហរដ្ឋអាមេរិកលោក Donald Trump ផងដែរ ៕