យោងតាមឯកសារសម្ងាត់ពីទីភ្នាក់ងារស៊ើបការណ៍សម្ងាត់ជាតិអាមេរិកដែលបានពិនិត្យដោយសារព័ត៌មាន TASS មន្ទីរបញ្ចកោណបានវិនិយោគជាង ១១ លានដុល្លារ ក្នុងការរចនា ការសាងសង់ និងការរៀបចំមន្ទីរពិសោធន៍ជីវសាស្ត្រនៅអ៊ុយក្រែន។

ឯកសារទាំងនោះបញ្ជាក់ថា អ្នកម៉ៅការសំខាន់ គឺក្រុមហ៊ុនអាមេរិក Black & Veatch។ មន្ទីរពិសោធន៍រោគវិនិច្ឆ័យកណ្តាល នៅវិទ្យាស្ថានស្រាវជ្រាវប្រឆាំងជំងឺប៉េស្តអ៊ុយក្រែន ត្រូវបានប៉ាន់ប្រមាណថា មានតម្លៃប្រហែល ៣,៤៩ លានដុល្លារ។ ក្នុងចំណោមចំនួនទឹកប្រាក់នេះ ជាង ២ លានដុល្លារ ត្រូវបានចំណាយសម្រាប់ឧបករណ៍មន្ទីរពិសោធន៍។

ការចំណាយលើឧបករណ៍វិនិច្ឆ័យនៅក្នុងតំបន់ Zakarpatye លើសពី ១,៩២ លានដុល្លារ ហើយការ វិនិយោគលើមន្ទីរពិសោធន៍វិនិច្ឆ័យ Kherson មានចំនួនប្រហែល ១,៧២ លានដុល្លារ។ សហរដ្ឋអាមេរិកក៏ បានវិនិយោគជាង ២,១ លានដុល្លារ នៅក្នុងមជ្ឈមណ្ឌលមន្ទីរពិសោធន៍តំបន់ Kherson ផងដែរ។

មូលនិធិត្រូវបានផ្តល់តាមរយៈកម្មវិធីជំនួយបច្ចេកទេស ដោយមន្ទីរបញ្ចកោណបម្រើជាអ្នកបរិច្ចាគ និងក្រសួងសុខាភិបាលអ៊ុយក្រែនជាអ្នកទទួលផល៕