ជប៉ុនបាននិយាយនៅថ្ងៃអង្គារនេះថា ខ្លួនមិនទាន់សម្រេចចិត្តនៅឡើយទេថាតើយោធារបស់ខ្លួន នឹងចូលរួមកិច្ចខិតខំប្រឹងប្រែងដើម្បីជួយដល់ការបន្តការដឹកជញ្ជូនតាមច្រកសមុទ្រហ័រមូស បន្ទាប់ពីកិច្ចព្រមព្រៀងសន្តិភាពរវាងសហរដ្ឋអាមេរិក និងអ៊ីរ៉ង់ឬអត់។

ប្រធានាធិបតីអាមេរិក លោក ដូណាល់ ត្រាំ បាននិយាយថា សរសៃឈាមដ៏សំខាន់សម្រាប់ប្រេង និងឧស្ម័ននឹង «បើកចំហទាំងស្រុង» ចាប់ពីថ្ងៃសុក្រ ប៉ុន្តែបានបន្ថែមថា នៅតែមានការស្វះស្វែងដែលកំពុងបន្តដើម្បីធានាថា ផ្លូវទឹកត្រូវបានដោះមីន។

ជប៉ុនបានចុះហត្ថលេខាលើសេចក្តីថ្លែងការណ៍រួមមួយដែលចេញដោយប្រទេសអឺរ៉ុបកាលពីថ្ងៃចន្ទថា ពួកគេបានត្រៀមខ្លួនរួចជាស្រេចសម្រាប់ «បេសកកម្មការពារ និងឯករាជ្យ ដើម្បីធានាដល់ការដឹកជញ្ជូនពាណិជ្ជកម្ម និងធ្វើប្រតិបត្តិការបោសសម្អាតមីន» នៅក្នុងច្រកសមុទ្រនេះ។

សេចក្តីថ្លែងការណ៍នេះ បានបន្ថែមថា រឿងនេះនឹងកើតឡើងស្របតាម«តម្រូវការរដ្ឋធម្មនុញ្ញរៀងៗខ្លួន»។

រដ្ឋធម្មនុញ្ញរបស់ជប៉ុនកំណត់យ៉ាងតឹងរ៉ឹងចំពោះការប្រើប្រាស់កម្លាំងចំពោះស្វ័យការពារ៕