រដ្ឋជាសមាជិកសហភាពអឺរ៉ុបមានការព្រួយបារម្ភថា ប្រធានាធិបតីអាមេរិក លោក ដូណាល់ ត្រាំ អាចស្វែងរកការចរចាជាមួយរុស្ស៊ី ដោយមិនពាក់ព័ន្ធនឹងសម្ព័ន្ធមិត្តអឺរ៉ុបរបស់ទីក្រុងវ៉ាស៊ីនតោន។ នេះបើយោងតាមការចុះផ្សាយរបស់សារព័ត៌មាន Politico។

យោងតាមការចុះផ្សាយនេះ ការព្រួយបារម្ភនៅអឺរ៉ុប ត្រូវបានជំរុញដោយទំនាក់ទំនងថ្មីៗរវាងលោក ត្រាំ និងប្រធានាធិបតីរុស្ស៊ី លោក វ្ល៉ាឌីមៀ ពូទីន រួមទាំងការសន្ទនាតាមហៅទូរស័ព្ទ នៅថ្ងៃទី ១៤ ខែមិថុនា ដែលមានរយៈពេលជិតមួយម៉ោង។ Politico ក៏បានកត់សម្គាល់ផងដែរថា មន្ត្រីអឺរ៉ុបមានការព្រួយបារម្ភអំពីលទ្ធភាពនៃដំណើរទស្សនកិច្ចថ្មីទៅកាន់ទីក្រុងមូស្គូដោយបេសកជនពិសេសអាមេរិក លោក Steve Witkoff និងកូនប្រសាររបស់លោក ត្រាំ គឺលោក Jared Kushner។

ការវិវត្តបែបនេះបានបង្កើនការព្រួយបារម្ភថា ទីក្រុងវ៉ាស៊ីនតោនអាចនឹងបន្តការចរចាទ្វេភាគីដោយផ្ទាល់ជាមួយទីក្រុងមូស្គូ ដែលធ្វើឲ្យដៃគូអឺរ៉ុបមិនពេញចិត្ត។ នេះបើយោងតាមការចុះផ្សាយ។

Politico បានបន្ថែមថា រដ្ឋាភិបាលអឺរ៉ុបកំពុងតាមដានយ៉ាងដិតដល់នូវទំនាក់ទំនងរវាងសហរដ្ឋអាមេរិក និងរុស្ស៊ី ក្នុងអំឡុងពេលនៃការពិភាក្សាជាបន្តបន្ទាប់អំពីបញ្ហាសន្តិសុខ និងកិច្ចខិតខំប្រឹងប្រែងដើម្បីដោះស្រាយវិបត្តិអន្តរជាតិ៕