ប្រធានាធិបតីអាមេរិក លោក ដូណាល់ ត្រាំ បាននិយាយថា អ៊ីស្រាអែលគួរតែប្រុងប្រយ័ត្នជាងមុន នៅពេលធ្វើប្រតិបត្តិការយោធា នៅក្នុងប្រទេសលីបង់ ខណៈដែលប្រធានាធិបតីស៊ីរីលោក Ahmed al-Sharaa អាចដោះស្រាយបញ្ហាក្រុមហេសបូឡាបាន។

មេដឹកនាំអាមេរិករូបនេះ បានប្រាប់សន្និសីទសារព័ត៌មានបន្ទាប់ពីកិច្ចប្រជុំកំពូល G 7 នៅទីក្រុង Evian-les-Bains នៃ ប្រទេសបារាំងថា៖«យើងមានជម្លោះបន្តិចបន្តួចលើប្រទេសលីបង់ ហើយខ្ញុំនិយាយថា «អ្នក(នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ) អាចប្រើប្រាស់វិធីសាស្ត្រទន់ភ្លន់

ជាងនេះបន្តិច។ អ្នកមិនចាំបាច់វាយកម្ទេចអគាររាល់ពេលដែលនរណាម្នាក់ដើរចូលទៅក្នុងនោះទេ ដោយអ្នកនោះពីក្រុមហេសបូឡា»។

លោកបានអះអាងបន្ថែមទៀតថា លោក al-Sharaa បានត្រៀមខ្លួនរួចជាស្រេចដើម្បីធ្វើប្រតិបត្តិការយោធាប្រឆាំងនឹងក្រុមហេសបូឡា។

លោក ត្រាំ ជឿជាក់ថា៖«អ្នកដឹងហើយថា លោក al-Sharaa ចង់បន្តប្រតិបត្តិការប្រឆាំងក្រុមហេសបូឡា ដោយសារក្រុមនេះ គឺជាសត្រូវរបស់លោក។ លោក al-Sharaa គ្រាន់តែចង់ទទួលបានការបញ្ជាក់ឲ្យបានច្បាស់លាស់ប៉ុណ្ណោះ»៕