រញ្ជួយដីកម្រិត ៦,៣រ៉ិចទ័រ បានកើតមាន​នៅ​ឧបទ្វីប Kamchatka តំបន់​ចុងបូព៌ារបស់ប្រទេសរុស្ស៊ី នៅ​ថ្ងៃសុក្រ (ទី១៩ ខែមិថុនា ឆ្នាំ២០២៦) នេះ​ ជាការរញ្ជួយចុងក្រោយបំផុត ក្នុងចំណោមការរញ្ជួយជាបន្តបន្ទាប់ដែលត្រូវ​បានកត់ត្រានៅឆ្នេរសមុទ្ររបស់​តំបន់នេះ។

ដោយដកស្រង់ពី​សាខាតំបន់របស់​ទីភ្នាក់ងារ​ភូមិសាស្ត្របង្រួបបង្រួម (UGS) នៃ​បណ្ឌិត្យសភាវិទ្យាសាស្ត្ររុស្ស៊ី (RAS) ទីភ្នាក់ងារសារព័ត៌មានរដ្ឋ RIA Novosti បានរាយការណ៍ថា ការរញ្ជួយដីនេះបានកើតឡើងនៅជម្រៅ ១៥,៤គីឡូម៉ែត្រ។

ទីភ្នាក់ងារនេះបានឲ្យ​ដឹង​ថា ចំណុចកណ្តាលនៃរញ្ជួយដីនេះ មានទីតាំងស្ថិតនៅចម្ងាយប្រហែល ១៨៣ គីឡូម៉ែត្រ ពី Petropavlovsk-Kamchatsky ដែលជាមជ្ឈមណ្ឌលរដ្ឋបាលនៃតំបន់ Kamchatka។ ហើយ​បើយោងតាមសេចក្តីថ្លែងការណ៍ បាន​ឲ្យ​ដឹងថា ការរញ្ជួយដីនេះក៏ត្រូវបានគេមានអារម្មណ៍ដឹង នៅក្នុងទីក្រុងកំពង់ផែផងដែរ។

UGS បាន​ឲ្យ​ដឹង​បន្ថែម​ថា រញ្ជួយដីនេះបានបន្តមក​ដោយ​ដោយការរញ្ជួយកម្រិត ៥,៦រ៉ិចទ័រ ដែលត្រូវ​បានកត់ត្រា នៅឆ្នេរសមុទ្រ Kamchatka នៅម៉ោង ៦:៥១ ម៉ោង​សកល។ មិនមានរបាយការណ៍ភ្លាមៗនៅឡើយ​ទេ​ អំពីអ្នកស្លាប់ និងរបួស ឬការខូចខាត៕