ប្រជាពលរដ្ឋរស់នៅក្នុងតំបន់ខ្ពស់រាប Trump Heights និងតំបន់ព្រំដែន Golan Heights បានបង្ហាញក្តីបារម្ភរបស់ពួកគេចំពោះកិច្ចព្រមព្រៀងសន្តិភាពរវាងសហរដ្ឋអាមេរិ និងអ៊ីរ៉ង់ ដោយពួកគេនិយាយថា កិច្ចព្រមព្រៀងនេះ កើតឡើងដោយសារផលប្រយោជន៍នយោបាយ និងសេដ្ឋកិច្ចប៉ុណ្ណោះ ។

ដោយលីបង់ស្ថិតក្នុងចំណោមបញ្ហាដ៏លំបាកបំផុតនៃកិច្ចខិតខំសន្តិភាពនោះ រយៈពេលប៉ុន្មានថ្ងៃកន្លងមកនេះ ប្រធានាធិបតីសហរដ្ឋអាមេរិកលោក Donald Trump បានរិះគន់ដោយបើកចំហចំពោះប្រតិបត្តិការរបស់សម្ព័ន្ធមិត្តអ៊ីស្រាអែលនៅទីនោះ ដោយចោទប្រកាន់ពួកគេថា បំផ្លិចបំផ្លាញដោយពុំចាំបាច់នូវអគារទាំងមូល ក្នុងការវាយប្រហារក្រុមយុទ្ធជនហេសបូឡា ។

លោក Daniel Pepper គឺជាពលរដ្ឋមួយរូបរស់នៅតំបន់ Trump Heights និយាយថា រឿងសំខាន់បំផុតដែលលោកគិត សម្រាប់ពួកយើងនៅអ៊ីស្រាអែល និងជាពិសេសនៅទីនេះ នៅតំបន់ភាគខាងជើង គឺពួកយើងអាចរស់បាន នៅក្នុងអនាគតដ៏ជឿជាក់ជាមួយអ្នកជិតខាងរបស់ពួកយើង ។

តំបន់ Trump Heights គឺជាតំបន់តាំងលំនៅមួយរបស់អ៊ីស្រាអែលដែលដាក់ឈ្មោះក្រោយឈ្មោះប្រធានាធិបតីសហរដ្ឋអាមេរិក ។

ចំណែកឯលោក Eli Goldberg គឺជាពលរដ្ឋមួយរូបទៀតនិយាយដែរថា កិច្ចព្រមព្រៀងនេះ គួរឲ្យខកចិត្តខ្លាំងណាស់ ។

នៅប្រទេសលីបង់ ជាទីដែលមនុស្សជាង ១លាននាក់ បានជម្លៀសខ្លួនដោយសារការប្រយុទ្ធគ្នា កងកម្លាំងអ៊ីស្រាអែល បានបើកការវាយប្រហារជាថ្មីកាលពីព្រឹកថ្ងៃព្រហស្បតិ៍ ។

អ៊ីស្រាអែលនិយាយថា ពួកគេគ្មានបំណងដកទ័ពចេញពីលីបង់នោះឡើយ មិនសំខាន់ថាអ្វីដែលលោក Trumpចរចានោះទេ ។ ពួកគេបានបញ្ចេញផែនទីថ្មីឃើញតំបន់រីកធំនៅភាគខាងត្បូងលីបង់ ដែលកាន់កាប់ដោយទាហានរបស់ពួកគេ និងជាតំបន់ដែលពួកគេចាត់ទុកថា ជាតំបន់ទ្រនាប់ ៕