លោក Keir Starmer នាយករដ្ឋមន្ត្រីអង់គ្លេសដែលជិតផុតអាណត្តិបានប្រកាសពីការចាកចេញរបស់លោកកាលពីថ្ងៃចន្ទដើមសប្ដាហ៍នេះស្របពេលមានការធ្លាក់ចុះប្រជាប្រិយភាព ប៉ុន្តែមានពាក្យសម្ដីកក់ក្តៅពីក្រុមមេដឹកនាំអឺរ៉ុប ដែលជាទូទៅយល់ថាលោកងាយស្រួលធ្វើការជាមួយជាងអ្នកកាន់តំណែងមុនៗរបស់លោក។

លោក Starmer ដែលជានាយករដ្ឋមន្ត្រីមិនមែនជាអ្នកអភិរក្សនិយមដំបូងគេចាប់តាំងពីចក្រភពអង់គ្លេសបានបោះឆ្នោតចាកចេញពីសហភាពអឺរ៉ុប (Brexit) បានបដិសេធគំនិតដែលថាខ្លួនអាចចូលរួមជាមួយប្លុកមានសមាជិក២៧ ប្រទេសនេះ ឡើងវិញ ប៉ុន្តែលោកបានជំរុញឱ្យមានភាពប្រសើរឡើងនៃទំនាក់ទំនងបន្ទាប់ពីរការចាកចេញពីប្លុកនេះ។

លោកស្រី Ursula von der Leyen ប្រធានគណៈកម្មការអឺរ៉ុបបាននិយាយលើប្រព័ន្ធផ្សព្វផ្សាយសង្គម X ថា វាអាចចំណាយពេលច្រើនឆ្នាំដើម្បីក្លាយជាមេដឹកនាំដែលអ្នកបានក្លាយជារដ្ឋបុរសក្នុងរយៈពេលត្រឹមតែពីរឆ្នាំប៉ុណ្ណោះ។សន្តិសុខអឺរ៉ុប និងអ៊ុយក្រែន កាន់តែរឹងមាំដោយសារអ្នក។សូមអរគុណ លោក Keir ជាទីស្រឡាញ់។

នាយករដ្ឋមន្ត្រីអៀរឡង់លោក Micheál Martin បាននិយាយក្នុងសេចក្តីថ្លែងការណ៍មួយថា រូបលោកចង់ទទួលស្គាល់តួនាទីដ៏សំខាន់របស់លោក Keir ក្នុងការកំណត់ឡើងវិញនូវទំនាក់ទំនងអៀរឡង់-អង់គ្លេស ក៏ដូចជាទំនាក់ទំនងរវាងចក្រភពអង់គ្លេស និងសហភាពអឺរ៉ុបក្នុងអំឡុងពេលលោកជានាយករដ្ឋមន្ត្រី។

លោក Zelenskyy បានថ្លែងអំណរគុណដល់លោក Starmer ដែលតែងតែទាក់ទងគ្នា តែងតែចូលរួម និងខិតខំធ្វើអ្វីដែលចាំបាច់ដើម្បីជួយគាំទ្រអ៊ុយក្រែនក្នុងសង្គ្រាមជាមួយរុស្ស៊ី ហើយបាននិយាយថា ការសន្ទនារបស់លោកទាំងពីរតែងតែពោរពេញដោយខ្លឹមសារពិតប្រាកដ។ លោកបានសរសេរនៅលើបណ្ដាញសង្គមXថាលោក Keir អ្នកតែងតែជាភ្ញៀវត្រូវបានស្វាគមន៍នៅអ៊ុយក្រែន។

អ្នកនាំពាក្យរដ្ឋាភិបាលអាល្លឺម៉ង់មួយរូបបាននិយាយថា លោក Starmer តែងតែជាដៃគូដែលអាចទុកចិត្តបាន និងជិតស្និទ្ធ។

ប្រទេសរុស្ស៊ី ដែលចាត់ទុកចក្រភពអង់គ្លេសជាសត្រូវដ៏សំខាន់មួយរបស់ខ្លួន ជាពិសេសសម្រាប់ការគាំទ្រអ៊ុយក្រែន បានអះអាងពីកិត្តិយសចំពោះការចាកចេញរបស់លោក Starmer តាមរយៈការបង្ហោះនៅលើបណ្ដាញសង្គម X ដោយបេសកជនពិសេសរបស់ប្រធានាធិបតីរុស្ស៊ី លោក Vladimir Putin គឺលោក Kirill Dmitriev៕