រថយន្តជាច្រើនជួរត្រូវបានដាក់តម្រៀបកាលពីថ្ងៃចន្ទ ទី២២ ខែមិថុនា នៅតាមស្ថានីយប្រេងឥន្ធនៈក្នុងទីក្រុង La Paz និងទីក្រុង El Alto នៅថ្ងៃទីបីនៃស្ថានភាពរដ្ឋក្នុងក្នុងគ្រាអាសន្ន បន្ទាប់ពីការរំខានដល់ការផ្គត់ផ្គង់រយៈពេលជាច្រើនសប្តាហ៍។

ទោះបីជាស្ថានីយ៍បម្រើសេវាមួយចំនួនបានបន្តចែកចាយប្រេងឥន្ធនៈឡើងវិញជាបណ្តើរៗបន្ទាប់ពីធ្វើការត្រួតពិនិត្យគុណភាពលើរថយន្តដឹកប្រេងនីមួយៗដែលទៅដល់ក៏ដោយ ក៏ប្រជាជនជាច្រើននៅតែបន្តរង់ចាំក្នុងជួរវែងៗ ឬសម្រាកនៅក្នុងរថយន្តរបស់ពួកគេ។

អតីតប្រធានាធិបតីប្រទេសបូលីវី លោក Evo Morales បានបង្កើនសម្ពាធនយោបាយពីតំបន់ Chapare ជាកន្លែងដែលលោកបានរៀបចំការជួបជុំ និងបានជំរុញអ្នកគាំទ្ររបស់លោកឱ្យពិចារណារឹបអូសរោងចក្រថាមពលក្នុងស្រុក ប្រសិនបើការដាច់ចរន្តអគ្គិសនីនៅតែបន្ត។

ក្នុងការឆ្លើយតប អ្នកនាំពាក្យប្រធានាធិបតី លោក Jose Luis Galvez បានធ្វើសន្និសីទសារព័ត៌មានមួយនៅទីក្រុង La Paz និងបានថ្កោលទោសការគំរាមកំហែងរំខានដល់សេវាសាធារណៈថាជាបទព្រហ្មទណ្ឌដែលរដ្ឋមិនអនុញ្ញាត។ យោងតាមអ្នកនាំពាក្យរដ្ឋាភិបាលបានឲ្យដឹងថា អាជ្ញាធររំពឹងថានឹងវិលត្រឡប់ទៅរកភាពប្រក្រតីវិញបន្តិចម្តងៗ និងបានចោទប្រកាន់លោក Morales ពីបទញុះញង់ឱ្យមានសកម្មភាពខុសច្បាប់។

ស្ថានភាពរដ្ឋក្នុងគ្រាអាសន្ន ត្រូវបានប្រកាសបន្ទាប់ពីការបិទផ្លូវជាង៥០ថ្ងៃដោយសហជីពកម្មករ និងកសិករ និងបានធ្វើឱ្យការផ្គត់ផ្គង់ប្រេងឥន្ធនៈ និងស្បៀងអាហារជាមូលដ្ឋាននៅទូទាំងប្រទេសអាមេរិកខាងត្បូងមួយនេះត្រូវបានផ្អាក។