រដ្ឋមន្ត្រីការបរទេសអាមេរិក លោក Marco Rubio ប្រឈមមុខនឹងបេសកកម្មដ៏លំបាកមួយ នៅសប្តាហ៍នេះ ដោយព្យាយាម​បញ្ចុះបញ្ចូល​ឲ្យមាន​ការ​គាំទ្រ​ចំពោះកិច្ចព្រមព្រៀងសន្តិភាពអ៊ីរ៉ង់របស់ទីក្រុងវ៉ាស៊ីន​តោន​ពីបណ្ដា​​មេដឹកនាំនៃ​រដ្ឋ​អារ៉ាប់ឈូងសមុទ្រដែលកំពុង​បារម្ភ​ថា ការធ្វើសម្បទានហួសហេតុពេក​ នឹង​នាំ​ឲ្យ​ទីក្រុងតេអេរ៉ង់កាន់តែ​រឹង​មាំ​ ហើយ​រៀបចំឡើងវិញនូវតុល្យភាពសន្តិសុខ និងលំហូរប្រេងរបស់តំបន់។

លោក Rubio នឹងជួបជាមួយ​មេដឹកនាំ​ទាំង​នោះ នៅប្រទេស​អេមីរ៉ាត​អារ៉ាប់រួម នៅថ្ងៃអង្គារ (ទី២៣ ខែមិថុនា ឆ្នាំ២០២៦) នេះ មុនពេលធ្វើដំណើរទៅកាន់គូវ៉ែត និងបារ៉ែន ជាកន្លែងដែលលោកនឹងជួបជាមួយមន្ត្រីមកពីក្រុមប្រឹក្សាសហប្រតិបត្តិការឈូងសមុទ្រ (GCC) ជាក្រុមរាជាធិបតេយ្យដែលរួមមានអារ៉ាប៊ីសាអ៊ូឌីត កាតា និងអូម៉ង់ផងដែរ។

បញ្ហា​នៃ​ក្ដី​បារម្ភ​នេះ គឺលក្ខខណ្ឌ​នៃសេចក្តីព្រាងកិច្ចព្រមព្រៀងដែលរួមបញ្ចូលគ្មានដែនកំណត់ ពាក់​ព័ន្ធមីស៊ីលបាលីស្ទិក​បស់អ៊ីរ៉ង់ មូលនិធិកសាងឡើងវិញចំនួន ៣០០ពាន់លានដុល្លារ និងបទប្បញ្ញត្តិដែលអាចពង្រីកឥទ្ធិពលក្នុងតំបន់របស់ទីក្រុងតេអេរ៉ង់ និងការគ្រប់គ្រងលើផ្លូវដឹកជញ្ជូនប្រេងដ៏សំខាន់​។

ប្រទេសទាំង ៦ របស់​ GCC គឺជាសម្ព័ន្ធមិត្តយុទ្ធសាស្ត្ររបស់សហរដ្ឋអាមេរិក ដែលបានផ្តល់ការគាំទ្រផ្នែកភស្តុភារដល់ទីក្រុងវ៉ាស៊ីនតោន ក្នុងអំឡុងសង្គ្រាមអាមេរិក-អ៊ីស្រាអែល ជាមួយអ៊ីរ៉ង់ ដែលបានចាប់ផ្តើមកាលពី ៤ខែមុន ហើយទាំងអស់ត្រូវបានវាយប្រហារដោយការវាយប្រហារតាមអាកាសរបស់អ៊ីរ៉ង់ ដោយសារ​តែ​គាំទ្រនោះ​៕