គណបក្សប្រជាធិបតេយ្យសេរី (LDP) ដែលកំពុងកាន់អំណាចរបស់ប្រទេសជប៉ុន នៅថ្ងៃអង្គារ (ទី២៣ ខែមិថុនា ឆ្នាំ២០២៦) នេះ បានអនុម័តសេចក្តីព្រាងច្បាប់មួយដែលមានគោលបំណងបង្កើតរដ្ឋធានីទី២ ដែលអាចបម្រើជាជំនួយដល់ទីក្រុងតូក្យូ ក្នុងករណីមានគ្រោះមហន្តរាយធំ។

ច្បាប់ដែលត្រូវ​បានស្នើឡើងនេះ ស្វែងរកការបង្កើតមជ្ឈមណ្ឌលទីក្រុងដ៏សំខាន់ ដែលមានសមត្ថភាពអនុវត្តមុខងារស្នូលរបស់រដ្ឋាភិបាល ប្រសិនបើទីក្រុងតូក្យូត្រូវបានបំផ្លិច​បំផ្លាញដោយគ្រោះមហន្តរាយធម្មជាតិ ឬគ្រាអាសន្នផ្សេងទៀត។ នេះបើយោងតាមសារព័ត៌មាន Jiji Press របស់ជប៉ុន។

វិធានការនេះគឺជាផ្នែកមួយនៃកិច្ចព្រមព្រៀងគោលនយោបាយដែលត្រូវបានចុះហត្ថលេខាកាលពីខែតុលាឆ្នាំមុន ដោយគណបក្សកាន់អំណាច និងដៃគូចម្រុះរបស់ខ្លួន គឺគណបក្សនវានុវត្តន៍ជប៉ុន (JIP)។

ចំណុចសំខាន់មួយដែល​នាំ​ឲ្យមាន​ការមិនចុះសម្រុងគ្នា គឺផ្តោតលើឃ្លាដែលគ្រប់គ្រងការធ្វើប្រជាមតិ ស្ដីពី​ការបង្កើតសង្កាត់រដ្ឋបាលពិសេស នៅក្នុងទីក្រុងនានា។

ក្រោមសេចក្តីព្រាងច្បាប់ដែលត្រូវ​បានកែសម្រួលនេះ​ វិសាលភាពនៃអ្នកមាន​សិទ្ធិ​បោះឆ្នោត នឹងត្រូវបានកំណត់ចំពោះអ្នករស់នៅក្នុងទីក្រុងដែលពាក់ព័ន្ធ ដែលបើកផ្លូវឲ្យ​មាន​ការអនុម័តរបស់គណបក្ស​ LDP៕