រដ្ឋមន្ត្រីការបរទេសសហរដ្ឋអាមេរិក លោក Marco Rubio បាននិយាយកាលពីថ្ងៃពុធថា ការចរចាបច្ចេកទេសរវាងសហរដ្ឋអាមេរិក និងអ៊ីរ៉ង់ ត្រូវបានគេរំពឹងថានឹងបន្តថ្មីនៅសប្តាហ៍ក្រោយ ដែលទំនងជានៅថ្ងៃទី២៩ ឬ៣០ ខែមិថុនា នៅប្រទេសស្វីស។ លោក Rubio បានធ្វើសេចក្តីប្រកាសបែបនេះក្នុងអំឡុងដំណើរទស្សនកិច្ចជាផ្លូវការទៅកាន់ប្រទេសគូវ៉ែត ជាកន្លែងដែលលោកបានជួបជាមួយព្រះចៅ Sheikh Mishal Al-Ahmad Al-Jaber Al-Sabah របស់ប្រទេសគូវ៉ែត ដែលជំនួបបានផ្តោតលើកិច្ចសហប្រតិបត្តិការទ្វេភាគី និងការអភិវឌ្ឍក្នុងតំបន់ នេះបើយោងតាមការចេញផ្សាយរបស់ទីភ្នាក់ងារសារព័ត៌មានគូវ៉ែត។ ថ្លែងទៅកាន់អ្នកសារព័ត៌មាន លោក Rubio បាននិយាយថា សហរដ្ឋអាមេរិក នៅតែប្តេជ្ញាចិត្តក្នុងការសម្របសម្រួលយ៉ាងជិតស្និទ្ធជាមួយដៃគូឈូងសមុទ្ររបស់ខ្លួន។ ប៉ុន្តែលោកពុំបានផ្តល់ព័ត៌មានលម្អិតបន្ថែមអំពីការចរចាបច្ចេកទេសនា ពេលខាងមុខក្នុងប្រទេស្វីសនោះទេ។

ដំណើរទស្សនកិច្ចរបស់លោក Rubio ទៅកាន់ប្រទេសគូវ៉ែត គឺជាផ្នែកមួយនៃដំណើរទស្សនក្នុងកិច្ចតំបន់រយៈពេលបីថ្ងៃចាប់ពីថ្ងៃអង្គារដល់ថ្ងៃព្រហស្បតិ៍ ដែលរួមមានទាំងប្រទេសអារ៉ាប់រួម និងប្រទេសបារ៉ែន ជាកន្លែងដែលលោកមានផែនការចូលរួមកិច្ចប្រជុំក្រុមប្រឹក្សាសហប្រតិបត្តិការឈូងសមុទ្រស្តីពីសន្តិសុខក្នុងតំបន់។