អ្នកស្រុកត្រូវបានជំរុញឲ្យជម្លៀសខ្លួនចេញពីផ្ទះសម្បែងរបស់ពួកគេ ក្រោយអគ្គិភ័យដ៏ធំមួយ ឆាបឆេះឡើងនៅទីក្រុង Allentown រដ្ឋ Pennsylvania សហរដ្ឋអាមេរិក ។

យោងតាមសេចក្តីរាយការណ៍របស់ទូរទស្សន៍ ABC News បានឲ្យដឹងថា អគ្គិភ័យនេះ បានចាប់ផ្តើមឆាបឆេះឡើងកាលពីវេលាម៉ោង ៨ និង ៤៥នាទីព្រឹក ម៉ោងក្នុងស្រុក ថ្ងៃពុធ ត្រូវនឹងម៉ោង ០០ និង ៤៥នាទីម៉ោងសកលថ្ងៃព្រហស្បតិ៍ នៅអគារពាណិជ្ជកម្មខ្នាតយក្សមួយខ្នង ។

រូបភាពវីដេអូឃ្លីបពីលើអាកាសរបស់ ABC News ឃើញក្រុមភ្នាក់ងារពន្លត់អគ្គិភ័យយ៉ាងច្រើន កំពុងព្យាយាមពន្លត់ភ្លើង ។

ដោយឡែក មូលហេតុដែលបណ្តាលឲ្យអគ្គិភ័យនេះ កើតឡើង ពុំត្រូវបានគេដឹងច្បាស់ភ្លាមៗនោះទេ ខណៈការស៊ើបអង្កេតកំពុងធ្វើឡើង ៕