អង្គការឃ្លាំមើលរបស់អង្គការសហប្រជាជាតិនៅថ្ងៃសុក្រនេះ បានព្រមានថា ការប្រើប្រាស់គ្រឿងញៀននៅជុំវិញពិភពលោក កំពុងកើនឡើង រួមទាំងការកើនឡើងគួរឲ្យព្រួយបារម្ភនៃគ្រឿងញៀនសំយោគថ្មីដ៏ខ្លាំងក្លា និងគ្រោះថ្នាក់់។

ការិយាល័យអង្គការសហប្រជាជាតិទទួលបន្ទុកគ្រឿងញៀន និងឧក្រិដ្ឋកម្ម (UNODC) បាននិយាយនៅក្នុងរបាយការណ៍គ្រឿងញៀនពិភពលោកឆ្នាំ ២០២៦ របស់ខ្លួនថា មនុស្សប្រមាណ ៣៣១ លាននាក់បានប្រើប្រាស់គ្រឿងញៀនក្នុងឆ្នាំ ២០២៤។

ចំនួននេះគឺ ៦,២ ភាគរយនៃចំនួនប្រជាជនពិភពលោកដែលមានអាយុពី ១៥-៦៤ ឆ្នាំ ដែលកើនឡើងពី ៥,២ភាគរយ ក្នុងឆ្នាំ ២០១៤។

UNODC បាននិយាយថា កញ្ឆានៅតែជាគ្រឿងញៀនដ៏ពេញនិយមបំផុតទូទាំងពិភពលោកក្នុងឆ្នាំ ២០២៤ បន្ទាប់មកគឺអាភៀន អំហ្វេតាមីន កូកាអ៊ីន និងអេកស្តាស៊ី (ecstasy)៕