អន្តរជាតិ ៖ ក្រុមហ៊ុនបាននិយាយក្នុងសេចក្តីថ្លែងការណ៍ថា ក្រុមហ៊ុនឧស្សាហកម្មឧស្ម័នយក្ស Gazprom របស់រុស្ស៊ី បានបញ្ឈប់ពេញលេញការផ្គត់ផ្គង់ឧស្ម័នទៅកាន់ប្រទេសប៉ូឡូញ និងប៊ុលហ្គារីដោយសារតែប្រទេសទាំងពីរមិនបានបង់ប្រាក់ជាប្រាក់រូប្លិ៍របស់រុស្ស៊ី។ យោងតាមសេចក្តីថ្លែងការណ៍បានឲ្យដឹងថា ប្រធានាធិបតីរុស្ស៊ីលោកVladimir Putinបានទាមទាកាលពីថ្ងៃទី២៣ ខែមីនា ថាកិច្ចសន្យាទិញឧស្ម័ននាពេលបច្ចុប្បន្នពីរុស្ស៊ី ជាមួយបណ្តាប្រទេសអមិត្ត រួមទាំងប៉ូឡូញ និងប៊ុលហ្គារី នឹងបង់ជាប្រាក់រូប្លិ៍របស់រុស្ស៊ី។