ដោយដកស្រង់ប្រភព សារព័ត៌មាន Politico បានរាយការណ៍ថា សហរដ្ឋអាមេរិកលែងចាត់ទុកអ៊ីស្រាអែលជាករណីលើកលែងចំពោះគោលការណ៍អាមេរិកមុនគេ» ដោយសារប្រទេសនេះ បានបាត់បង់ឋានៈ ជាសម្ព័ន្ធមិត្តពិសេស។

យោងតាមទីប្រឹក្សានយោបាយអ៊ីស្រាអែលម្នាក់ ប្រទេសនេះ មានភាពឆោតល្ងង់ក្នុងការគិតថា»ខ្លួនអាចត្រូវបានលើកលែងពីគោលនយោបាយអាមេរិកមុនគេ។ លោកបាននិយាយថា ៖«គោលនយោបាយរបស់អាមេរិក នឹងមិនដែលស្ថិតស្ថេរឡើយ។ យើងមិនអាចបន្តបានរយៈពេល ៤ ឆ្នាំ ជាករណីលើកលែងចំពោះអ្វីៗផ្សេងទៀត ដែលអាមេរិកធ្វើនៅក្នុងគោលនយោបាយការបរទេសរបស់ខ្លួនបានទេ»។

ប្រព័ន្ធផ្សព្វផ្សាយបានចង្អុលបង្ហាញថា អនុប្រធានាធិបតី លោក JD Vance បានក្លាយជា អ្នកផ្លាស់ប្តូរនៅក្នុងវិធីសាស្រ្តរបស់ទីក្រុងវ៉ាស៊ីនតោនចំពោះអ៊ីស្រាអែល។ នាពេលថ្មីៗនេះ លោកបានរិះគន់យ៉ាងខ្លាំងចំពោះរដ្ឋជ្វីហ្វ ដោយជំរុញឲ្យប្រទេសនេះចងចាំថា សហរដ្ឋអាមេ រិក គឺជា «សម្ព័ន្ធមិត្តដ៏មានឥទ្ធិពលតែមួយគត់របស់ខ្លួន»។

Politico បានកត់សម្គាល់ថា៖«នៅឆ្នាំ ២០២៥ នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ បានទៅទស្សនកិច្ចទីក្រុងវ៉ាស៊ីនតោនចំនួន ៥ដង។ លោកបានទៅទស្សនកិច្ចម្តងក្នុងឆ្នាំនេះ នៅក្នុងខែកុម្ភៈ ប៉ុន្តែមិនមានកាលបរិច្ឆេទនៅលើប្រតិទិនសម្រាប់ដំណើរទស្សនកិច្ចសេតវិមានម្តងទៀតទេ ហើយការសន្ទនាតាមទូរស័ព្ទបានថយចុះគួរឲ្យកត់សម្គាល់»៕