ប្រទេសអូស្ត្រាលីមានគម្រោងបង្កើនការផាកពិន័យទ្វេដងសម្រាប់វេទិកាប្រព័ន្ធផ្សព្វផ្សាយសង្គម រួមទាំង Facebook និង Instagram ដែលបរាជ័យក្នុងការទប់ស្កាត់កុមារអូស្ត្រាលីពីការកាន់កាប់គណនី ខណៈក្រុមអ្នករិះគន់អះអាងថា ការហាមប្រាមលើកដំបូងលើកុមារអាយុក្រោម ១៦ ឆ្នាំលើពិភពលោកកំពុងបរាជ័យ។

រដ្ឋមន្ត្រីក្រសួងទំនាក់ទំនងលោកស្រី Anika Wells នៅថ្ងៃចន្ទ ២៩ ខែមិថុនានេះ បានស្តីបន្ទោសការតស៊ូរបស់វេទិកាទាំងនោះចំពោះការរឹតបន្តឹងអាយុសម្រាប់តម្រូវការក្នុងការរឹតបន្តឹងច្បាប់ដែលចូលជាធរមានកាលពីថ្ងៃទី ១០ ខែធ្នូ ឆ្នាំមុន។

រដ្ឋាភិបាលបានប្រកាសកាលពីថ្ងៃអាទិត្យថា ខ្លួននឹងដាក់សេចក្តីព្រាងច្បាប់ចូលទៅក្នុងសភានៅសប្តាហ៍នេះ ដែលនឹងបង្កើនការផាកពិន័យអតិបរមាទ្វេដងដល់ ៩៩ លានដុល្លារអូស្ត្រាលី ឬស្មើ ៦៨លានដុល្លារអាមេរិក សម្រាប់វេទិកាដែលបរាជ័យក្នុងការចាត់វិធានការសមហេតុផលដើម្បីការពារកុមារអូស្ត្រាលីពីការកាន់កាប់គណនី។

ប្រទេសជាច្រើនដែលកំពុងអនុវត្ត ឬ មានគម្រោងការរឹតត្បិតស្រដៀងគ្នានេះ បានកំពុងតាមដានយ៉ាងយកចិត្តទុកដាក់លើវឌ្ឍនភាពនៃបម្រាមរបស់ប្រទេសអូស្ត្រាលី៕