លោក Pawel Szota ប្រធានទីភ្នាក់ងារស៊ើបការណ៍សម្ងាត់បរទេសរបស់ប្រទេសប៉ូឡូញ នៅ​ថ្ងៃចន្ទ (ទី២៩ ខែមិថុនា ឆ្នាំ២០២៦) នេះ បានអំពាវនាវឱ្យមានការរៀបចំត្រៀមខ្លួន​ឱ្យ​​ដូច​​ជម្លោះជាមួយរុស្ស៊ី ជិតកើត​មាន​ហើយ។ នេះបើយោងតាមប្រព័ន្ធ​ផ្សព្វផ្សាយ​ TVP World។

លោក Szota បានប្រាប់សារព័ត៌មាន​ចុះផ្សាយ​ប្រចាំថ្ងៃ Rzeczpospolita ថា៖ «បច្ចុប្បន្ន​នេះ ដោយគិតគូរពីការគំរាមកំហែងទាំងស្រុង ពីវិមានក្រឹមឡាំង យើងត្រូវតែរៀបចំ​ផ្នត់គំនិតរបស់យើងឱ្យសមស្រប ហើយនៅក្នុងប្រតិបត្តិការពី​មួយ​ថ្ងៃ​ទៅ​មួយ​ថ្ងៃ​របស់យើង ត្រូវ​ធ្វើសកម្មភាពឲ្យ​ដូចជម្លោះប្រដាប់អាវុធជាមួយរុស្ស៊ី គឺជាអ្វី​ដែល​នឹង​កើត​ឡើង​ក្នុង​រយៈពេលខ្លីខាង​មុខ​»។

លោកបានព្រមានថា កម្រិតនៃការឈ្លានពានរបស់រុស្ស៊ី គឺ «ខ្ពស់ណាស់» ហើយហានិភ័យនៃការប្រឈមមុខដាក់គ្នាខាងយោធា គឺ «ពិតប្រាកដ»។ លោក Szota បានកត់សម្គាល់បន្ថែមទៀតថា រុស្ស៊ីអាចបន្តសង្គ្រាមជាមួយអ៊ុយក្រែនរយៈពេលជាច្រើនឆ្នាំទៀត ដោយបន្ថែមថា ប្រធានាធិបតី លោក​ Vladimir Putin «នឹងមិនបោះបង់ចោលសង្គ្រាមនេះទេ ពីព្រោះជាពិសេសនៅក្នុងស្រុក លោក​ត្រូវតែបង្ហាញខ្លួនលោកថា ជាអ្នកទទួលបាន​ជ័យជម្នះ​»។

លោកបានបន្ថែម​ថា៖ «យើងសន្មតថា ការបង្ក​ហេតុ​របស់រុស្ស៊ី ដែល​សាកល្បងការ​ឆ្លើយ​តប​របស់អង្គការ​​ (NATO)​ ជា​ឧទាហរណ៍ដែលយើងកំពុងសង្កេតឃើញរួចហើយ នៅប្រទេសប៉ូឡូញ ពិតជានឹងបន្ត។ រុស្ស៊ីកំពុងសង្កេតមើលប្រតិកម្មរបស់យើង»៕