ក្រុមមន្ត្រីនៅក្នុងប្រទេសវ៉េណេស៊ុយអេឡាបានប្រកាសថា ចំនួនអ្នកស្លាប់ដែលបានបញ្ជាក់បន្ទាប់ពីការរញ្ជួយដីដ៏ខ្លាំងក្លាចំនួនពីរលើកដែលបានវាយប្រហារភាគពាយ័ព្យនៃប្រទេសនេះកាលពីថ្ងៃពុធ២៤មិថុនាសប្តាហ៍មុនបានកើនឡើងដល់ ១.៧១៩ នាក់ ខណៈកិច្ចខិតខំប្រឹងប្រែងជួយសង្គ្រោះនៅតែបន្តសម្រាប់មនុស្សរាប់ពាន់នាក់ដែលនៅតែបាត់ខ្លួន ឬជាប់នៅក្រោមគំនរបាក់បែក។

លោក Jorge Rodriguez មេដឹកនាំរដ្ឋសភាវ៉េណេស៊ុយអេឡា បានបញ្ជាក់នៅក្នុងសុន្ទរកថាមួយនៅលើកញ្ចក់ទូរទស្សន៍រដ្ឋកាលពីថ្ងៃចន្ទដើមសប្ដាហ៍នេះថា ចំនួនអ្នករងរបួសបានកើនឡើងដល់ ៥.០៣៤ នាក់ ហើយមនុស្ស ១៥.៨៦៦ នាក់ឥឡូវនេះគ្មានផ្ទះសម្បែងបន្ទាប់ពីការរញ្ជួយដីកម្រិត ៧,២ និង ៧,៥ រ៉ិចទ័រជាប់ៗគ្នា។