យន្តហោះចម្លាំងរបស់កងទ័ពអាកាសអ៊ីរ៉ង់ បានអមដំណើរយន្តហោះដឹកសាកសពលោកអតីតមេដឹកនាំ Ayatollah Ali Khamenei និងសមាជិកគ្រួសារស្លាប់របស់លោក ដើម្បីវិលត្រឡប់មកកាន់ប្រទេសអ៊ីរ៉ង់វិញសម្រាប់ពិធីបញ្ចុះសាកសព ចេញពីពិធីបុណ្យសពនៅប្រទេសអ៊ីរ៉ាក់ ។

ក្តារមឈូសរបស់អតីតមេដឹកនាំកំពូលអ៊ីរ៉ង់លោក Ayatollah Ali Khamenei បានធ្វើដំណើរទៅដល់ទីក្រុង Karbala ប្រទេសអ៊ីរ៉ាក់នៅថ្ងៃព្រហស្បតិ៍នេះ សម្រាប់ការឈប់សំចតចុងក្រោយនៃពិធីបុណ្យសពរយៈពេល ៦ថ្ងៃរបស់គាត់ ។

លោក Khamenei នឹងត្រូវបញ្ចុះនៅទីសក្ការៈដ៏ពិសិដ្ឋបំផុត ស្ថិតក្នុងទីក្រុង Mashhad នៅភាគឦសានប្រទេសអ៊ីរ៉ង់ បន្ទាប់ពីពិធីបុណ្យទ្រង់ទ្រាយធំ ការដង្ហែរក្បួន និងពិធីកាន់ទុក្ខរយៈពេល ១សប្តាហ៍ ដែលជាប់ជួននឹងការផ្ទុះជម្លោះថ្មីជាមួយសហរដ្ឋអាមេរិក ក្រោយបទឈប់បាញ់រយៈពេលជាច្រើនសប្តាហ៍ ។

សូមបញ្ជាក់ថា លោក Khamenei ត្រូវបានសម្លាប់កាលពីថ្ងៃទី ២៨ ខែកុម្ភៈ អំឡុងការវាយប្រហាររួមដៃគ្នារបស់សហរដ្ឋអាមេរិក និងអ៊ីស្រាអែលលើអ៊ីរ៉ង់ ៕