សភានីតិបញ្ញត្តិរបស់អ៊ីស្រាអែលគឺ Knesset បានអនុម័តសេចក្តីព្រាងច្បាប់មួយ ដើម្បីរំលាយខ្លួនឯង មុនការបោះឆ្នោតសភាមុនអាណត្តិ នៅថ្ងៃទី ២៧ ខែតុលា។ នេះបើតាមការចុះផ្សាយរបស់គេហទំព័រ ព័ត៌មានYnet។

ច្បាប់ស្តីពីហិរញ្ញប្បទានគណបក្ស ដែលមានបទប្បញ្ញត្តិនេះ ត្រូវបានអនុម័តពេញមួយយប់ នៅក្នុងការអានលើកទី២ និងលើកទី៣ របស់ខ្លួន។ ការអនុម័តនេះ ត្រូវបានគាំទ្រដោយសមាជិកសភាចំនួន ៦២ រូបក្នុងចំណោម ១២០រូប ដោយគ្មានសំឡេងអនុប្បវាទឡើយ។

ការសម្រាករបស់សភាបច្ចុប្បន្ន នឹងចាប់ពីថ្ងៃទី១៧ ខែកក្កដា ហើយសម័យប្រជុំផ្លូវការបន្ទាប់ នឹងមិនធ្វើឡើងទៀតទេ រហូតដល់ក្រោយការបោះឆ្នោត និងសភាថ្មីដែលត្រូវបានកោះប្រជុំ៕