ប្រភពសន្តិសុខក្នុងតំបន់បាននិយាយថា នាល្ងាចថ្ងៃសុក្រ យានដ្រូន​ផ្ទុកគ្រឿងផ្ទុះចំនួន ៤ គ្រឿង ត្រូវបានបាញ់ទម្លាក់ នៅក្បែរស្ថានកុងស៊ុលអាមេរិកក្នុងទីក្រុង Erbil នៃតំបន់ឃើដឌីស្តង់ពាក់កណ្តាលស្វយ័តរបស់ប្រទេសអ៊ីរ៉ាក់។ ទន្ទឹមនឹងនេះ យន្តហោះដ្រូនមួយគ្រឿងផ្សេងទៀត បានវាយប្រហារលើឃ្លាំងផ្ទុកគ្រាប់រំសេវ នៅក្នុងខេត្ត Sulaymaniyah ដែលនៅជាប់គ្នានោះ​។

ប្រភពសន្តិសុខឃើដឌីស្តង់​ម្នាក់ បានប្រាប់សារព័ត៌មាន​ស៊ីនហួក្នុងលក្ខខណ្ឌមិនបញ្ចេញឈ្មោះថា យាន  ដ្រូន​ទាំង ៤គ្រឿង ត្រូវបានស្ទាក់ចាប់បាននៅជិតស្ថានកុងស៊ុលអាមេរិកនៅទីក្រុង Erbil ដោយមិនបណ្តាលឲ្យ​មានអ្នកស្លាប់ និងរងរបួសឡើយ។

នៅក្នុងខេត្ត Sulaymaniyah យានដ្រូនដែលផ្ទុកគ្រាប់បែក បានវាយប្រហារឃ្លាំងអាវុធមួយ នៅក្នុងតំបន់ Tasluja ក្នុងរដ្ឋធានីខេត្តនេះ នៅល្ងាចថ្ងៃសុក្រ​។ ​ នេះបើយោងតាមប្រភព។

ប្រភពនេះដដែល បាន​បញ្ជា​ក់ថា​ ការវាយប្រហារនេះបានបង្កឲ្យ​មានអគ្គិភ័យឆេះយ៉ាង​សន្ធោសន្ធៅ​នៅខាងក្នុងកន្លែងនោះ ដែលបានបណ្តាលឲ្យ​មានការផ្ទុះលើកទីពីរពីគ្រាប់រំសេវដែលរក្សាទុក ដោយបន្ថែមថាក្រុមការពារជនស៊ីវិលបានប្រញាប់ប្រញាល់ទៅកាន់កន្លែងនោះភ្លាមៗ ហើយបាន​ធ្វើការដើម្បីពន្លត់អគ្គិ     ភ័យដែល​កំពុង​ឆាបឆេះ​៕