ឧត្តរមានជ័យ៖ នៅព្រឹកថ្ងៃទី៤ ខែឧសភា ឆ្នាំ២០២២នេះ មន្រ្តីធនធានទឹក និងឧតុនិយមខេត្តឧត្តរមានជ័យ សម្រេចធ្វើការបើកទ្វារទឹកនៅចំណុច អាងស្តុបទឹកទំនប់ទឹកតាម៉ុក មួយកន្លែងដើម្បីបញ្ចៀសបញ្ហាជនលិចមកលើផ្នែកខាងក្រោម ខណៈអាងទំនប់ស្តុបទឹកបឹងតាម៉ុកនេះ មានភ្លៀងធ្លាក់ផ្នែកខាងលើច្រើន។

លោក ញឺន កួន ប្រធានមន្ទីធនធានទឹក នឹងឧត្តុនិយមខេត្តឧត្តរមានជ័យ បានឲ្យដឹងថា ខណៈអាកាសធាតុមានការប្រែប្រួលភ្លៀងធ្លាក់មិន​ទៀងទាត់​ពិសេសក្នុងភូមិ​សាស្រ្ត​ខេត្តឧត្តរមានជ័យ នៅផ្នែកខាងជួរភ្នំដងរ៉ែក មានបរិមាណទឹកភ្លៀងធ្លាក់មានច្រើន នៃផ្នែកខាងលើនោះ មន្រ្តីជំនាញបានធ្វើការត្រួតពិនិត្យនៅគ្រប់តាមបណ្តាអាងស្តុបទឹកទាំងអស់ ដើម្បីពិនិត្យមើលចំពោះទ្វារទឹកកុំឲ្យមានការ​រអាក់រអួល​ខណៈដែលយើងចាំបាច់ត្រូវការប្រើប្រាស់​បើកទ្វារទឹក​ប្រសិន​បើចំនួន​បរិមាណទឹក​ មានការកើនឡើងខ្ពស់ ដោយសារតែភ្លៀងធ្លាក់នោះ។

លោក បានបន្តថា ក្នុងនោះបន្ទាប់ពីធ្វើការត្រួតពិនិត្យនៅតាមបណ្តាអាងស្តុបទឹកទាំង​អស់រួចមក យើងសម្រេចបើកទ្វារទឹកអាងស្តុបទឹកទំនប់ទឹកតាម៉ុកមួយកន្លែង ដើម្បី​បញ្ចៀស​បញ្ហា​ជនលិចមក​លើ​ផ្នែកខាងក្រោម ដោយសារតែទីតាំងអាង​ទំនប់ស្តុបទឹកបឹងតាម៉ុកនេះ​កន្លងមក​នៅពេលមានភ្លៀងធ្លាក់ផ្នែកខាងលើច្រើនម្តងៗ វាអាចបង្ករឲ្យមានប្រភព​បរិមាណ​ទឹកច្រើន​លើផ្នែក​ខាង​លើផ្ទៃបឹង​ដែលជាបញ្ហាបង្ករ​ឲ្យមានការជនលិចដល់​ផ្ទះ​សម្បែង​ផល​ដំណាំ​កសិកម្មនានា​របស់​ប្រជាពលរដ្ឋ។

លោក បញ្ជាក់ថា ក្នុងនោះដែរ​ក្រុមការងារបានត្រៀម​លក្ខណៈសំភារៈ​នឹងគ្រឿង​ចក្រ​ទុករួច​ជាស្រេច​ដើម្បីជួយសង្រ្គោះដល់បញ្ហានេះប្រសិនបើមានការជនលិចកើតឡើង​ដោយ​ប្រការណា​មួយ​នៅ​តាមមូលដ្ឋាននានានោះ៕ អត្ថបទ៖ ឃិន សារិទ្ធ