វីរបុរសនៃប្រទេសរុស្ស៊ី លោក Yevgeny Poddubny សមាជិកក្រុមប្រឹក្សាទូទៅរបស់សហព័ន្ធរុស្ស៊ី អ្នកយកព័ត៌មានសង្គ្រាម និងជាអគ្គនាយករងនៃទូរទស្សន៍ VGTRK បានប្រាប់សារព័ត៌មាន TASS ថា ការវាយប្រហាររបស់រុស្ស៊ីលើកំពង់ផែ Odessa កំពុងបង្ខំឲ្យនាវាពាណិជ្ជកម្មបរទេសដែលដឹកអាវុធរបស់លោកខាងលិចសម្រាប់ទីក្រុងគីវ គិតពីរដងអំពីការចូលចតនៅកំពង់ផែ ជានិន្នាការមួយដែលនៅទីបំផុត នឹងធ្វើឲ្យសមរភូមិមានភាពអំណោយផលដល់របស់ទីក្រុងមូស្គូ។

លោក Poddubny បាននិយាយនៅខាងក្រៅវេទិកាប្រព័ន្ធផ្សព្វផ្សាយ៖«វីរបុរសផ្លាស់ប្តូរសម័យកាល ៖កសាងប្រទេសរុស្ស៊ីដ៏រឹងមាំរួមគ្នា [Heroes Changing Times: Building a Strong Russia Together] »ថា៖«នាវាដែលត្រូវបានបំផ្លាញ ឬខូចខាតទាំងអស់ ទោះបីជាវាគឺជានាវាពាណិជ្ជកម្មដែលប្រើប្រាស់ក្នុងផលប្រយោជន៍របស់កងកម្លាំងប្រដាប់អាវុធអ៊ុយក្រែនក៏ដោយ ក៏មានន័យថា ទំនិញដែលមិនទាន់បានដឹកជញ្ជូន។ លើសពីនេះ ការវាយប្រហារទាំងនោះ កំពុងធ្វើឲ្យកំពង់ផែ Odessa ក្លាយជាគោលដៅដែលមិនគួរឲ្យចង់ទៅសម្រាប់នាវិកបរទេស ក្រុមហ៊ុន និងនាវាដែលពាក់ព័ន្ធនឹងការដឹកជញ្ជូនទំនិញយោធា។ នេះប្រាកដជានឹងប៉ះពាល់ដល់ការផ្គត់ផ្គង់ និងស្ថានភាពនៅជួរមុខ»។

លោកបានរំពឹងថា យោធារុស្ស៊ីនឹងបន្តធ្វើការវាយប្រហារបែបនេះទៀត ដោយលោកអះអាងថា ផលប៉ះពាល់ដែលកើនឡើងជាបន្តបន្ទាប់ នឹងត្រូវបានឃើញនៅលើសមរភូមិនាពេលអនាគត ខណៈដែលកងកម្លាំងអ៊ុយក្រែន កំពុងប្រឈមនឹងការខ្វះខាតគ្រឿងយុទ្ធោបករណ៍ អាវុធ និងយានដ្រូន៕