ក្រសួងសុខាភិបាលប្រទេសឈីលី កាលពីថ្ងៃចន្ទបានចេញការណែនាំសុខភាពសាធារណៈសម្រាប់តំបន់ភាគខាងជើង បន្ទាប់ពីព្យុះរដូវរងាដ៏ខ្លាំងក្លា ដោយលើកឡើងពីហានិភ័យមេរោគផ្លូវដង្ហើមកើនឡើងក្នុងពេលរដូវរងានៅអឌ្ឍគោលខាងត្បូង។

រដ្ឋមន្ត្រីក្រសួងសុខាភិបាល លោកស្រី May Chomali បាននិយាយថា រដ្ឋាភិបាលកំពុងចាត់វិធានការបង្ការជាមុន ដូចជាការចាក់វ៉ាក់សាំងដើម្បីការពារសុខភាពសាធារណៈ។ ភ្លៀងធ្លាក់ខ្លាំងបានវាយប្រហារតំបន់Atacama ភាគខាងជើង និងតំបន់ Coquimbo ចាប់តាំងពីសប្តាហ៍មុន។

អនុរដ្ឋមន្ត្រីក្រសួងមហាផ្ទៃ លោក Maximo Pavez បាននិយាយ ទឹកភ្លៀងបានសម្លាប់មនុស្សយ៉ាងហោចណាស់ដប់នាក់ ដែលជំរុញឱ្យមានការប្រកាសគ្រាអាសន្ន។

លោកស្រី Chomali បាននិយាយថា អាជ្ញាធរមានការព្រួយបារម្ភអំពីហានិភ័យសុខភាពទាក់ទងនឹងគ្រោះមហន្តរាយអាកាសធាតុ រួមទាំងការបាត់បង់លទ្ធភាពទទួលបានទឹកស្អាត សហគមន៍លិចទឹកដែលជំនួយត្រូវបានកាត់ផ្តាច់ពីខាងក្រៅ និងការលំបាកក្នុងការចែកចាយឱសថ។