កំពង់ឆ្នាំង៖ នៅព្រឹកថ្ងៃទី០៥ ខែសីហា ឆ្នាំ២០២៦ នៅវិទ្យាស្ថានបច្ចេកទេសសកម្មភាពកំចាត់មីន ខេត្តកំពង់ឆ្នាំង ឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយក CMAC បានធ្វើជាអធិបតីក្នុងពិធីបិទវគ្គហ្វឹកហ្វឺន សុនខហិតមីន និងអ្នកកាន់សុនខស្រាវជ្រាវបច្ចេកទេស ដែលជាកិច្ចសហប្រតិបត្តិការរវាងអង្គភាព CMAC និងអង្គការAPOPO។

លោក Mikael Bold តំណាងអង្គការAPOPO បានរាយការណ៍អំពីការសម្របសម្រួលនិងសរុបលទ្ធផលនៃវគ្គកាហ្វឹកហ្វឺននេះ ជាពិសេសលោកMikael Bold បានបញ្ជាក់ពីមោទនភាពក្នុងការសហការជាមួយអង្គភាពCMAC បានផ្តល់ការហ្វឹកហ្វឺនអ្នកជំនាញសុនខអន្តរជាតិបានចំនួន១០០នាក់ហើយ។ នេះជាសក្ខីភាពបញ្ជាក់ពីសមត្ថភាពរបស់អង្គភាពCMACមានសមត្ថភាពជួយដល់បណ្តាប្រទេសមានបញ្ហាសំណល់យុទ្ធភណ្ឌសង្គ្រាមនានា។

សូមបញ្ជាក់ថា វគ្គហ្វឹកហ្វឺនជំនាញសុនខអន្តរជាតិនេះ មានរយៈពេល១៣សប្តាហ៍មានសិក្ខាកាមអន្តរជាតិមកពីបណ្តាប្រទេសមកពីប្រទេសអ៊ុយក្រែន អេត្យូពី និងប្រទេសហ្ស៊ុកដានី។

ក្នុងអំឡុងពេល ១៣សប្តាហ៍នៃការហ្វឹកហ្វឺន បណ្តុះបណ្តាលលើជំនាញសំខាន់ៗរួមមាន សុខុមាលភាពសុនខ, វិន័យនិងការស្តាប់បង្គាប់, ការប្រាស្រ័យទាក់ទងរវាងអ្នកកាន់ និងសុនខ, នីតិវិធីប្រតិបត្តិការស្តង់ដារ (SOP) ក្នុងការរុករក, សុវត្ថិភាពប្រតិបត្តិការ ជាដេីម។