មនុស្សចំនួន ៣នាក់បានបាត់ខ្លួន និង ៧នាក់ផ្សេងទៀត​នៅរស់រាន​មាន​ជីវិត​ក្នុង​ហេតុការណ៍​លិច​ទូក​កាល​ពី​រសៀលថ្ងៃ​ទី១៥ ខែសីហា ឆ្នាំ២០២៦ ចំណុចភូមិកោះប្រាក់ ឃុំភូមិធំ ស្រុកកៀន​ស្វាយ ខេត្តកណ្តាល។

បើយោងតាមរបាយការណ៍របស់សមត្ថកិច្ចបានឲ្យដឹងថា ករណីលិចទូកអុំខ្នាតអន្តរជាតិ បាត់​ខ្លួន​ចំនួន ០៣​នាក់ កាលពីថ្ងៃទី១៥ ខែសីហា ឆ្នាំ២០២៦ ម៉ោង១៤:០២នាទី ជនរងគ្រោះចំនួន​១០​នាក់​បាន​នាំគ្នាលើកទូអុំ​ខ្នាតអន្តរជាតិ ដែលទើបនឹងធ្វើរួច(មិនទាន់មានឈ្មោះ) យកមក​ដាក់​នៅ​ក្នុង​ទន្លេ​មេគង្គ ដើម្បីធ្វើការអុំ​សម លុះដល់ពេលអុំចំងាយពីច្រាំងទន្លេ ប្រហែល៣០ម៉ែត្រ ហួស​កំពង់ដរ​កោះ​ប្រាក់​ចំងាយ ៣០០ម៉ែត្រ ស្រាប់តែមានទឹកផុលឡើងធំៗ ធ្វើឲ្យអ្នកអុំទូក មាន​អារម្មណ៍​ភ័​យក៏នាំគ្នាឆ្លេឆ្លានៅលើទូក ភ្លាមនោះទូកបានលិច​អ្នក​អុំទូក​មនុស្ស​ចំនួន ៨​នាក់​បាន​លោត​ចេញ​ពី​ទូកមុន នៅអ្នកអុំទូក ២នាក់នៅលើទូក ក្រោយ​មក​ទូក​លិច​ទៅ​ទើប​អ្នក​អុំទូក ២នាក់លោតតាមក្រោយដែរ ធ្វើឲ្យទូកលិច​ទៅ​កាត់​ទទឹង​នឹង​សាឡង់​ដឹក​ខ្សាច់​ដែល​ចត​នៅ​ក្បែរ​ច្រាំង​។ ​ភ្លាមៗនោះអ្នកអុំទូកចំនួន ៧នាក់ បានហែលរួចឡើងគោក ចំណែក ៣នាក់​ទៀត​បាត់​ខ្លួន​រក​មិន​ទាន់ឃើញ។

បច្ចុប្បន្នគណៈបញ្ជាការឯកភាពរដ្ឋបាលខេត្ដ បានប្រើប្រាស់កម្លាំងសរុប មធ្យោបាយ​សរុប ដើម្បី​ស្វែង​រក​ជួយ​សង្គ្រោះ អ្នកបាត់ខ្លួនចំនួន០៣នាក់ ។

ចំណែកឯកឧត្តម គួច ចំរើន អភិបាលខេត្តកណ្ដាល និងស្នងការនគរបាលខេត្តកណ្ដាល​រួមទាំង​មន្ត្រី​ជំនាញ​ពាក់ព័ន្ធបានចុះទៅដល់កន្លែងកើតហេតុក្នុង​ការ​បញ្ជា​កម្លាំង​រុក​រក​សាកសព​ក្មេង​ប្រុស​ទាំង​បី​នាក់​ដែលបាត់ខ្លួន។

**ជនរងគ្រោះ ១០នាក់

១-ឈ្មោះ ឡាង សត្យា ភេទប្រុស អាយុ១៤ឆ្នាំ ជនជាតិខ្មែរ មុខរបរសិស្ស មានទីលំនៅបច្ចុប្បន្នភូមិភូមិធំ ឃុំភូមិធំ ស្រុកកៀនស្វាយ ខត្តកណ្តាល (បាត់ខ្លួន) ។

២-ឈ្មោះ សួន ដូណា ភេទប្រុស អាយុ១៥ឆ្នាំ ជនជាតិខ្មែរ មុខរបរសិស្ស មានទីលំនៅបច្ចុប្បន្នភូមិភូមិធំ ឃុំភូមិធំ ស្រុកកៀនស្វាយ ខត្តកណ្តាល (បាត់ខ្លួន) ។

៣-ឈ្មោះ ហួន ភីនុត ភេទប្រុស អាយុ១៤ឆ្នាំ ជនជាតិខ្មែរ មុខរបរសិស្ស មានទីលំនៅបច្ចុប្បន្នភូមិកោះប្រាក់ ឃុំភូមិធំ ស្រុកកៀនស្វាយ ខត្តកណ្តាល (បាត់ខ្លួន) ។

៤-ឈ្មោះ ថន សុខឡេង ភេទប្រុស អាយុ១៦ឆ្នាំ ជនជាតិខ្មែរ មុខរបរកសិករ មានទីលំនៅបច្ចុប្បន្នភូមិរទាំង ឃុំភូមិធំ ស្រុកកៀនស្វាយ ខេត្តកណ្តាល (នៅមានជីវិត) ។

៥-ឈ្មោះ ហាន បញ្ណា ភេទប្រុស អាយុ១៥ឆ្នាំ ជនជាតិខ្មែរ មុខរបរសិស្ស មានទីលំនៅបច្ចុប្បន្នភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្តាល (នៅមានជីវិត) ។

៦-ឈ្មោះ នង ពិសិដ្ឋ ភេទប្រុស អាយុ២៦ឆ្នាំ ជនជាតិខ្មែរ មុខរបរជាងឈើ មានទីលំនៅបច្ចុប្បន្នភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្តាល (នៅមានជីវិត) ។

៧-ឈ្មោះ ដុះ វាសនា ភេទប្រុស អាយុ១៥ឆ្នាំ ជនជាតិខ្មែរ មុខរបរនៅផ្ទះ មានទីលំនៅបច្ចុប្បន្នភូមិភូមិធំ ឃុំភូមិធំ ស្រុកកៀនស្វាយ ខត្តកណ្តាល (នៅមានជីវិត) ។

៨-ឈ្មោះ សុខ សត្រា ភេទប្រុស អាយុ១៥ឆ្នាំ ជនជាតិខ្មែរ មុខរបរសិស្ស មានទីលំនៅបច្ចុប្បន្នភូមិកោះប្រាក់ ឃុំភូមិធំ ស្រុកកៀនស្វាយ ខត្តកណ្តាល (នៅមានជីវិត) ។

៩-ឈ្មោះ គុជ ចាន់ចិត្រា ភេទប្រុស អាយុ១៤ឆ្នាំ ជនជាតិខ្មែរ មុខរបរសិស្ស មានទីលំនៅបច្ចុប្បន្នភូមិភូមិធំ ឃុំភូមិធំ ស្រុកកៀនស្វាយ ខត្តកណ្តាល (នៅមានជីវិត) ។

១០-ឈ្មោះ ដុះ សាន់ដា ភេទប្រុស អាយុ១៨ឆ្នាំ ជនជាតិខ្មែរ មុខរបរនៅផ្ទះ មានទីលំនៅបច្ចុប្បន្នភូមិភូមិធំ ឃុំភូមិធំ ស្រុកកៀនស្វាយ ខត្តកណ្តាល (នៅមានជីវិត) ។

**វត្ថុតាងចាប់យក:

ទូកង១គ្រឿង ពណ៌ក្រហមលាយខ្មៅ មានទទឹង០,៨០ម៉ែត្រ បណ្តោយ១៦ម៉ែត្រ(ទើបតែធ្វើរួច)៕