មីយ៉ាន់ម៉ា៖ ក្រុមអ្នកស៊ើបអង្កេតរបស់អង្គការសហប្រជាជាតិ បាននិយាយកាលពីថ្ងៃចន្ទថា ការប្រព្រឹត្តអំពើកាប់សម្លាប់មនុស្ស និងរំលោភយ៉ាងច្រើនទៅលើពួកមូស្ល៊ីមរ៉ីហ៊ីងយ៉ា ដោយមានបំណងប្រព្រឹត្តិអំពើប្រល័យពូជសាសន៍ ដោយមេបញ្ជាការកងទ័ព និងឧត្ដមសេនីយ៍ចំនួន ៥រូបទៀតរបស់យោធាមីយ៉ាន់ម៉ា គួរតែត្រូវកាត់ទោសពីបទឧក្រិដ្ឋកម្មធ្ងន់ធ្ងរបំផុតក្រោមច្បាប់។
ពួកគេបាននិយាយក្នុងរបាយការណ៍ថា រដ្ឋាភិបាលស៊ីវិលដឹកនាំដោយលោកស្រី អ៊ុងសាន ស៊ូជី បានអនុញ្ញាតឲ្យមានការប្រើសម្ដីស្អប់ខ្ពើម រហូតឈានទៅដល់ការបំផ្លាញឯកសារ និងបរាជ័យក្នុងការការពារជនជាតិភាគតិចនេះ ពីអំពើឧក្រិដ្ឋកម្មនានាប្រឆាំងមនុស្សជាតិ និងឧក្រិដ្ឋកម្មសង្គ្រាម ប្រព្រឹត្តឡើងដោយទាហានក្នុងរដ្ឋរ៉ាក់ឃីនរដ្ឋកាជីន និងរដ្ឋសាន។ នៅឯសន្និសីទសារព័ត៌មានមួយ សម្រាប់ការផ្សព្វផ្សាយជាសាធារណៈ អំពីរបាយការណ៍មួយចំនួននៃបេសកកម្ម ស្វែងរកការពិតលើប្រទេសមីយ៉ាន់ម៉ា លោក គ្រីស្តូហ្វ័រ ស៊ីដូទី បាននិយាយថា បេសកកម្មនេះបានសន្និដ្ឋានថា ការកាត់ទោសនេះត្រូវបានចេញដីកា ពាក់ព័ន្ធនឹងអំពើប្រល័យពូជសាសន៍ ឧក្រិដ្ឋកម្មប្រឆាំងមនុស្សជាតិ និងឧក្រិដ្ឋកម្មសង្គ្រាម។ ពួកខ្លួនរ៉ូហ៊ីងយ៉ាងប្រហែល ៧សែននាក់រត់ភៀសខ្លួនចេញពីការបង្ក្រាប ហើយបច្ចុប្បន្នពួកគេភាគច្រើនកំពុងរស់នៅ ក្នុងជំរំជនភៀសខ្លួននានាក្នុងប្រទេសបង់ក្លាដែស ដែលជាប្រទេសជិតខាង៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
