​​កូរ៉េខាងជើង៖ ទីភ្នាក់ងារសារព័ត៌មាន​រដ្ឋ​កូរ៉េខាងជើង​បាន​និយាយ​ថា ប្រទេស​នេះ​កំពុង​ដើរចូល​ក្នុង​ដំណាក់​កាល​គ្រាអាសន្ន​អតិបរមា បន្ទាប់ពី​រក​ឃើញ​ករ​ណី​ឆ្លង​ដំបូង​នៃ​វីរុស​កូ​រ៉ូ​ណា​ឬ COVID-19។ ​

ទីភ្នាក់ងារសារព័ត៌មាន​កណ្ដាល​កូរ៉េខាងជើងបាន​រាយការណ៍​នៅ​ថ្ងៃ​ព្រហស្បតិ៍​នេះ​ថា ករណី​ឆ្លង​ដំបូង​នៃ​វីរុស​ប​ម្លែ​ង​ខ្លួន​ថ្មី Omicron របស់​ប្រទេស​នេះ​ត្រូវ​បាន​បញ្ជាក់​កាលពី​ថ្ងៃអាទិត្យ​នៅ​ក្នុង​រដ្ឋធានី Pyongyang​។​ ​ទីភ្នាក់ងារសារព័ត៌មាន​នេះ​បាន​និយាយ​ថា ការអនុវត្ត​ប្រព័ន្ធ​គ្របគ្រង​វីរុស​គ្រាអាសន្ន​ឲ្យ​បាន​កម្រិត​អតិបរមា​ ត្រូវ​បាន​សម្រេច​នៅ​ឯ​កិច្ចប្រជុំ​មួយ​នៃ​ការិយាល័យ​នយោបាយ​របស់​គណបក្ស​កាន់​អំណាច ក្រោម​ការចូលរួម​ជា​អធិបតី​ពី​លោក Kim Jong Un​។

​នេះ​គឺជា​លើកដំបូង​ហើយ​ ដែល​កូរ៉េខាងជើង​បាន​ទទួល​ស្គាល់​ជា​ផ្លូវការ​នៃ​ការ​ឆ្លង​វីរុស COVID-19 ​នៅ​ក្នុង​ប្រទេស​របស់​ខ្លួន​។​ សារព័ត៌មាន​រដ្ឋ​បាន​រាយការណ៍​ថា កូរ៉េខាងជើង​បាន​ប្រកាស​ដាក់​រដ្ឋ​ក្នុង​គ្រាអាសន្ន ខណៈ​រក​ឃើញ​ករណី​ឆ្លង​ដំបូង​នៃ​វីរុស Covid-19៕​

អត្ថបទ៖ សុខមាន