ទីភ្នាក់ទេសចរណ៍បីប្រទេស មកសិក្សារៀបចំកញ្ចប់ទេសចរណ៍នាំទេសចរមកទស្សនាកម្ពុជា

នៅថ្ងៃទី៥ ខែកញ្ញា នេះ មានក្រុមហ៊ុនការីទេសចរណ៍ មកពីប្រទេសនេប៉ាល់ មីយ៉ាន់ម៉ា និងប្រទេសហ្វីលីពីន (ដែលមានអ្នកផលិតមាតិកាប្រមាណ៤០រូប) បានមកដល់កម្ពុជាដើម្បីចូលរួមព្រឹត្តិការណ៍ជំនួបពាណិជ្ជកម្មទេសចរណ៍កម្ពុជា CTM 2026 Mini-Series ជុំទី៥ បំណងស្វែងយល់ដោយផ្ទាល់នូវបទពិសោធន៍ទេសចរណ៍ដ៏សម្បូរបែបរបស់កម្ពុជា និងស្វែងរកឱកាសបង្កើតផលិតផល និងកញ្ចប់ទេសចរណ៍ថ្មីៗនាំទេសចរនានាមកទស្សនាកម្ពុជា។

អញ្ជើញមកដល់អាកាសយានដ្ឋានអន្តរជាតិតេជោ ប្រធាន និងតំណាងប្រធានក្រុមហ៊ុនការីទេសចរណ៍មកពីប្រទេសមីយ៉ាន់ម៉ា បានប្រាប់BTV ថា ការធ្វើដំណើរមកកម្ពុជានាពេលនេះ បំណងចូលរួមព្រឹត្តិការរណ៍CTM ដែលរៀបចំឡើងដោយសមាគមទេសចរណ៍អាស៊ីប៉ាហ្វិកPATA នៅកម្ពុជា មានរយៈពេល៦យប់៧ថ្ងៃ គិតចាប់ពីថ្ងៃទី៦ ដល់ថ្ងៃទី១២ ខែកញ្ញា ហើយក្នុងរយៈពេលនេះ បណ្តាក្រុមហ៊ុនការីទេសចរណ៍ទាំងអស់គ្នា នឹងធ្វើដំណើរសិក្សាស្វែងយល់ដោយផ្ទាល់ អំពីសក្តានុពលទេសចរណ៍កម្ពុជា នៅខេត្តសៀមរាប រាជធានីភ្នំពេញ និងខេត្តកំពត កែប ហើយផ្សព្វផ្សាយគោលដៅទេសចរណ៍កម្ពុជាទាំងនោះ នៅក្នុងប្រទេសគេ និងនាំគ្នាភ្ញៀវទេសចរមកទស្សនាកម្ពុជា។

បណ្ឌិត ធួន ស៊ីណាន ប្រធានសមាគមទេសចរណ៍អាស៊ីប៉ាហ្វិកPATAនៅកម្ពុជា ថ្លែងថា កម្មវិធី CTM 2026 Mini-Series ជុំទី៥នេះ គឺមានការទទួលស្វាគមន៍ក្រុមហ៊ុនភាគីទិញ Hosted Buyers ចំនួន ៤០រូប ក្នុងនោះការីទេសចរណ៍ មកពីប្រទេសមីយ៉ាន់ម៉ា ២៤ក្រុមហ៊ុន ប្រទេសនេប៉ាល់ ១៣ក្រុមហ៊ុន និងប្រទេសហ្វីលីពីន ៣ក្រុមហ៊ុន មានសមាសភាពជាថ្នាក់ដឹកនាំក្រុមហ៊ុនទេសចរណ៍ អ្នកគ្រប់គ្រងជាន់ខ្ពស់ Tour Operators និងអ្នកជំនាញផ្នែកលក់ និងទីផ្សារ។

លោកបណ្ឌិតបានបន្តថា កម្មវធីCTMលើកនេះ នឹងបង្ហាញថា កម្ពុជាគឺមិនមែនមានតែគោលដៅទេសចរណ៍បេតិកភណ្ឌមួយមុខនោះទេ ពោលគឺកម្ពុជាមានគោលដៅទេសចរណ៍ល្អប្រណីតច្រើនកន្លែងទៀត ដែលអាចផ្តល់បទពិសោធន៍ចម្រុះ ចាប់ពីអរិយធម៌ និងវប្បធម៌ ជីវិតទីក្រុង និងម្ហូបអាហារ រហូតដល់ធម្មជាតិ សហគមន៍ សមុទ្រ និងការសម្រាកលំហែដ៏ល្អឯក នៅខេត្តកំពត និងខេត្តកែប។

បណ្ឌិត ធួន ស៊ីណាន ក៏បានអំពាវនាវដល់សណ្ឋាគារ រមណីយដ្ឋាន ក្រុមហ៊ុនទេសចរណ៍ ភោជនីយដ្ឋាន សេវាដឹកជញ្ជូន ក្រុមហ៊ុនអាកាសចរណ៍ និងដៃគូពាក់ព័ន្ធ ចូលរួមប្រើប្រាស់វេទិកានេះ ដើម្បីបង្កើតទំនាក់ទំនងជាមួយអ្នកទិញអន្តរជាតិ ពង្រីកបណ្តាញអាជីវកម្ម និងនាំផលិតផលទេសចរណ៍កម្ពុជាទៅកាន់ទីផ្សារថ្មីៗ និងជំរុញការផ្សព្វផ្សាយកម្ពុជាទៅកាន់ពិភពលោកឲ្យទូលំទូលាយ៕ អត្ថបទ៖ ស៊ុម សុខជា

អត្ថបទដែលទាក់ទង

រយៈពេលជាង ៥ខែ កម្ពុជាបណ្តេញជនបរទេសចេញជិត ៣ម៉ឺននាក់ និងជិត ២ពាន់នាក់ទៀតត្រៀមបណ្តេញចេញ ពាក់ព័ន្ធករណី Online Scams និងការប្រព្រឹត្តបទល្មើសផ្សេងៗ

ឆ្ពោះទៅរកអនាគតបៃតង និស្សិតមេកានិកយានយន្តសម្រេចការដំឡើងរថយន្ត EV Mini bus ដោយជោគជ័យ

អតីតពលករមកពីថៃ និងយុវជននៅខេត្តកោះកុង កំពុងសម្លឹងមើលឱកាសការងារក្នុងស្រុក

បណ្ដាញសង្គម

ព័ត៌មានចុងក្រោយ

ប្រព័ន្ធផ្សព្វផ្សាយរុស្ស៊ី៖បេសកជនលោក Trump គឺលោក Witkoff និងលោក Kushner បានទៅដល់ទីក្រុងមូស្គូហើយ

មនុស្សជិត៦០ម៉ឺននាក់ ត្រូវបានជម្លៀសដោយសារភ្លៀងធ្លាក់ខ្លាំងពីព្យុះទីហ្វុង Saudel នៅចិនភាគខាងកើត

ប្រទេសម៉ាឡេស៊ីប្រកាសស្ថានភាពគ្រាអាសន្ននៅរដ្ឋសារ៉ាវ៉ាក់ ខណៈផ្សែងអ័ព្ទពីឥណ្ឌូនេស៊ីកាន់តែធ្ងន់ធ្ងរ

ប្រភព៖ប្រធានាធិបតីចិនសម្លឹងរកការនាំក្រុមគណៈប្រតិភូដ៏ច្រើនអមដំណើរលោកទៅទស្សនកិច្ចអាមេរិក

ព័ត៌មានពេញនិយម

ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់ លើករណីរំលោភសម្លាប់ នៅសង្កាត់អូរស្មាច់

សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស

ព័ត៌មានវីដេអូ

ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់

កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក

រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ទីភ្នាក់ទេសចរណ៍បីប្រទេស មកសិក្សារៀបចំកញ្ចប់ទេសចរណ៍នាំទេសចរមកទស្សនាកម្ពុជា