វ៉ាស៊ីនតោន៖ កាលពីវេលាម៉ោង៩ព្រឹកថ្ងៃទី១៤ឧសភា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងគណៈប្រតិភូជាន់ខ្ពស់រាជរដ្ខឋាភិបាលកម្ពុជា បានអញ្ជើញចាកចេញពីរដ្ឋធានីវ៉ាស៊ិនតោន សហរដ្ឋអាមេរិក ក្នុងដំណើរនិវត្តន៍មកកាន់រចធានីភ្នំពេញ ព្រះរាជាណាចក្រកម្ពុជា បន្ទាប់ពីបានអញ្ជើញចូលរួមកិច្ចប្រជុំកំពូល ពិសេសអាស៊ាន សហរដ្ឋអាមេរិក ក្នុងនាមជាប្រធានអាស៊ាន និងជានាយករដ្ឋមន្រ្តី នៃព្រះរាជាណាចក្រកម្ពុជា។

នៅអាកាសយានដ្ឋានអន្តរជាតិ Join Base Andrews វត្តមាននៃការអញ្ជើញជូនដំណើរសម្តេចតេជោនាយករដ្ឋមន្រ្តី និងគណៈប្រតិភូជាន់ខ្ពស់រាជរដ្ឋាភិបាលកម្ពុជារួមមាន ឥស្សរជនជាន់ខ្ពស់ ពិធីការក្រសួង ការបរទេសសហរដ្ឋអាមេរិក ឯកឧត្តម កែវ ឈា ឯកអគ្គរាជទូតវិសាមញ និងពេញសមត្ថភាព នៃព្រះរាជាណាចក្រកម្ពុជា ប្រចាំសហរដ្ឋអាមេរិក ព្រមទាំងវត្តមាន ឯកឧត្តម លោកជំទាវ ជាឥស្សរជនជាន់ខ្ពស់សហរដ្ឋអាមេរិក និងឥស្សរជនការទូតរបស់ព្រះរាជាណាចក្រកម្ពុជា ប្រចាំរដ្ឋធានីវ៉ាស៊ិនតោន ជាច្រើនរូប។ តាមការគ្រោងទុក សម្តេចតេជោនាយករដ្ឋមន្រ្តី និងអញ្ជើញមកដល់រាជធានីភ្នំពេញ ពញរះរាជាណាចក្រកម្ពុជា នៅវេលាម៉ោង ១៦និង៣០នាទី រសៀលថ្ងៃទី១៥ ឧសភា ឆ្នាំ២០២២៕