សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា​ បានគូសបញ្ជាក់ថា រាជរដ្ឋាភិបាល​បាន​ដាក់ចេញគម្រោង​ជំហានទី១ ពង្រីកទៅតាមបណ្ដារាជធានី-ខេត្តចំនួន ១៣ មានចម្ងាយប្រមាណ ១២០០ គីឡូម៉ែត្រ ដោយ​បំពាក់អំពូលដើរដោយពន្លឺព្រះអាទិត្យ (សូឡា) និងគ្រោង​ចំណាយថវិកាប្រមាណ ៦លានដុល្លារអាមេរិកនៅក្នុងជំហានទីមួយនេះ។

សម្ដេច​ធិបតី នាយករដ្ឋមន្រ្ដី មាន​ប្រសាសន៍បញ្ជាក់បែបនេះ ក្នុងឱកាស អញ្ជើញជាអធិបតីសម្ពោធជាផ្លូវការផ្លូវជាតិលេខ១០ តភ្ជាប់បាត់ដំបង-ពោធិ៍សាត់-កោះកុងនៅព្រឹកថ្ងៃទី១ ខែតុលា ឆ្នាំ២០២៦នេះ។

សម្ដេច​ធិបតីបានថ្លែងថា រាជរដ្ឋាភិបាលកម្ពុជា ​គ្រោងចំណាយថវិការប្រមាណ ៦ ​លានដុល្លារ​ ដំឡើងអំពូលភ្លើងបំភ្លឺផ្លូវ​ដើរដោយថាមពល​ពន្លឺ​ព្រះអាទិត្យ ​ដាក់ពង្រាយនៅតាម​បណ្ដារាជធានី-ខេត្តចំនួន ​១៣ ដើម្បីលើកកម្ពស់​សោ​ភណ​ភាព​ផ្លូវ​ និង​កាត់បន្ថយ​ហានិភ័យ​គ្រោះថ្នាក់​ចរាចរណ៍។ គម្រោង​ពង្រីកការដំឡើងអំពូលសូឡាឡើងដល់ ១៣ រាជធានី-ខេត្ត ចម្ងាយប្រមាណ ១២០០ គីឡូម៉ែត្រ​ នៅទូ​ទាំង​ប្រទេស ​ចំណាយថវិកាប្រមាណ ៦ ​លានដុល្លារ។​

បើតាមប្រសាសន៍សម្ដេច​ធិបតី រាជធានី-​ខេត្ត ដែលត្រូវដំឡើងអំពូឡសូឡានោះរួមមាន៖ ​រាជធានីភ្នំពេញ ​ខេត្តកណ្ដាល ​ខេត្តកំពង់ឆ្នាំ ​បាត់​ដំបង ​បន្ទាយមានជ័យ ​សៀមរាប ​កំពង់ចាម ​កំពង់ស្ពឺ ​តាកែវ ​ខេត្តព្រះសីហនុ ​កោះកុង ខេត្ត​កំពត និង​ខេត្តកែប។ ជាមួយគ្នានេះ សម្ដេចធិបតី ក៏បាន​គាំទ្រនូវការអនុវត្តគម្រោង​នេះ ហើយស្នើឱ្យពង្រីករហូតដល់ ​២៥ ​រាជធានីខេត្ត ជាពិសេសផ្លូវធំៗ ​ផ្លូវជាតិ​សំខាន់ៗ​របស់កម្ពុជា ​ដើម្បីលើកកម្ពស់សោភណភាព និងសុវត្ថិភាព។

បើតាម យោងតាមរបាយការណ៍ផ្លូវការចុងក្រោយពីក្រសួងរ៉ែ និងថាមពល និងអាជ្ញាធរអគ្គិសនីកម្ពុជា (EAC) បានឱ្យដឹងថា បច្ចុប្បន្នការប្រើប្រាស់ និងសមត្ថភាពដំឡើងអគ្គិសនីពីប្រភពថាមពលកកើតឡើងវិញ (ថាមពលស្អាត) នៅកម្ពុជាបានកើនឡើងដល់ជាង ៦៣ ភាគរយ (៦៣,២៣%) នៃប្រភពថាមពលសរុបក្នុងប្រទេស។ គិតត្រឹមដើមឆ្នាំ ២០២៦ ថាមពលកកើតឡើងវិញបានចូលរួមចំណែកក្នុងបណ្ដាញជាតិប្រមាណ ៣ ៣២៥ មេហ្គាវ៉ាត់ នៃអនុភាពដំឡើងសរុបជិត ៦ ០០០ មេហ្គាវ៉ាត់៕