​អ៊ុយ​ក្រែ​ន៖ ប្រធានាធិបតី​អ៊ុយ​ក្រែ​ន​លោក Volodymyr Zelenskyy បាន​ស្នើ​កាលពី​ថ្ងៃ​សុក្រ​ថា ទ្រព្យ​សម្បត្តិ​របស់​រុស្ស៊ី និង​មូលនិធិ​ដែល​បង្កក​គួរតែ​ត្រូវ​បាន​រឹបអូស ​ដើម្បី​ទូទាត់​សំណង​ដល់​ជនរងគ្រោះ​នៃ​ការ​វាយលុក​របស់​រុស្ស៊ី​។​ ​នៅក្នុង​សុន្ទរកថា​លោក Zelenskyy បាន​ជំរុញ​ឱ្យ​នាំយក​ប្រាក់​ពី​ការ​រឹបអូស​ទ្រព្យសម្បត្តិ​រុស្ស៊ី​ចូល​ទៅ​មូលនិធិ​ពិសេស​ ដែល​នឹង​ត្រូវ​បាន​ប្រើប្រាស់​សម្រាប់​ការបែងចែក​ការ​ចំណាយ​។​

​លោក​បាន​និយាយ​ថា វា​ពិតជា​យុត្តិធម៌ ហើយ​រុស្ស៊ី​នឹង​គិត​ថា​ជា​ទម្ងន់​ពិត​នៃ​រាល់​គ្រាប់​មី​ស៊ី​ល គ្រាប់បែក និង​គ្រាប់​ផ្លោង​ដែល​ប្រទេស​នេះ​បាន​បាញ់​មក​លើ​យើង​។​ ​លោក Zelenskyy បាន​និយាយ​ថា ប្រទេស​រុស្ស៊ី​បាន​វាយ​ប្រហារ​តំបន់​ជាច្រើន​នៅ​ទូទាំង​ប្រទេស​កាលពី​ថ្ងៃ​សុក្រ ហើយ​បាន​បំផ្លាញ​មជ្ឈមណ្ឌល​វប្បធម៌​មួយ​កន្លែង​នៅ​ក្នុង​ទីក្រុង​Kharkiv​។ លោក​និយាយថា ទាហាន​រុស្ស៊ី​នៅតែ​បន្ត​ការព្យាយាម​រុលទៅមុខ​ទៅរក​តំបន់ Donbas ដោយ​បំផ្លាញ​ក្រុង​នានា​ក្នុង​តំបន់​ដែល​ការពារ​ការវាយលុករ​បស់​រុស្ស៊ី​។​

​បណ្តាញ​ផ្សព្វផ្សាយ​សង្គម​របស់​ប្រធានាធិបតី​អ៊ុយ​ក្រែ​ន​លោក Volodymyr Zelenskyy កាលពី​ថ្ងៃ​សុក្រ​បានចេញ​ផ្សាយ​វីដេអូ CCTV ដែល​បង្ហាញ​ពី​ការផ្ទុះ​ខ្លាំង​ដែល​បាន​វាយប្រហារផ្ទះ​វប្បធម៌​នៅ Lozova ក្នុង​ទីក្រុង Kharkiv​។ ការ​បង្ហោះ​នៅលើ​បណ្តាញ​ផ្សព្វផ្សាយ​ព័ត៌មានបាន​និយាយថា​ អគារ​នេះ​ត្រូវបាន​វាយប្រហារ​ដោយ​មី​ស៊ី​ល​របស់​រុស្ស៊ី​។ លោក Zelenskyy និយាយថា មាន​ជនរងគ្រោះ 7នាក់រួមទាំង​កុមារ​អាយុ 11ឆ្នាំ​ម្នាក់៕

អត្ថបទ៖ ប៊ុនថន