ភ្នំពេញ៖ នៅព្រឹកថ្ងៃទី២១ ខែឧសភា ឆ្នាំ២០២២នេះ ពិធីបើកយុទ្ធនាការឃោសនារកសំឡេងឆ្នោត គាំទ្របេក្ខជនក្រុមប្រឹក្សាឃុំ-សង្កាត់អាណត្តិទី៥ របស់គណបក្សប្រជាជនកម្ពុជា​ ថ្ងៃដំបូង នៃខណ្ឌទាំង១៤ ក្នុងក្របខណ្ឌរាជធានីភ្នំពេញ មានសមាជិក-សមាជិការបក្សចូលរួមប្រមាណ ៤​ម៉ឺន២ពាន់នាក់ ។

គួររម្លឹកផងដែរថា ដំណើរការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ មាន​រយៈពេល​២សប្តាហ៍ គិតចាប់​ពីថ្ងៃទី២១ ​ខែឧសភា រហូតដល់ថ្ងៃទី៣ ​ខែមិថុនា ឆ្នាំ២០២១ ដែលមាន​គណបក្ស​នយោបាយ​ចូលរួម​ប្រកួតប្រជែងចំនួន១៧​ គណបក្សនយោបាយ។

ក្នុងនោះគ.ជ.ប អនុញ្ញាត​ឲ្យ​មានការហែក្បួនឃោសនា​ បោះឆ្នោត និងការធ្វើសកម្មភាពចែក​ខិត្តប័ណ្ណ​នៅក្នុងផ្សាររបស់​គណបក្ស​នយោបាយ​ឈរឈ្មោះ​បោះឆ្នោត​ផងដែរ៕