វឌ្ឍនៈ បង្ហាញមោទនភាពក្នុងការរួមចំណែកជាមួយជោគជ័យដ៏ត្រចះត្រចង់ក្នុងព្រឹត្តិការណ៍កីឡាជាតិ ឆ្នាំ២០២៦

2026/11/17 10:40:45 am        83

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំ ២ឆ្នាំម្ដង បានបិទបញ្ចប់ប្រកបដោយភាពជោគជ័យ និងមោទនភាពក្រៃលែង ក្រោមការចូលរួមសហការឧបត្ថម្ភផ្តាច់មុខពីក្រុមហ៊ុន វឌ្ឍនៈ ដែលតែងតែបង្ហាញពីឆន្ទៈ និងការប្តេជ្ញាចិត្តខ្ពស់ក្នុងការរួមចំណែកអភិវឌ្ឍ និងលើកស្ទួយវិស័យកីឡានៅកម្ពុជាឲ្យកាន់តែរីកចម្រើន។

នេះគឺជាលើកទី៣ ហើយ ដែលក្រុមហ៊ុនបានចូលរួមឧបត្ថម្ភផ្តាច់មុខក្នុងមហាព្រឹត្តិការណ៍កីឡាជាតិ និងកីឡាជាតិជនពិការ តាមរយៈការសហការជាមួយរាជរដ្ឋាភិបាល ក្រសួងអប់រំ យុវជន និងកីឡា និងគណៈកម្មាធិការជាតិអូឡាំពិកកម្ពុជា ក៏ដូចជាភាគីពាក់ព័ន្ធ។ កិច្ចសហការដ៏មានតម្លៃនេះ បានបង្កើតជាវេទិកា និងឱកាសដ៏ទូលំទូលាយសម្រាប់អត្តពលិកជាតិ និងអត្តពលិកជនពិការមកពីគ្រប់រាជធានី-ខេត្ត ទូទាំងប្រទេស និងក្រសួងមួយចំនួន បានបញ្ចេញអស់នូវសមត្ថភាព ទេពកោសល្យ និងស្មារតីប្រកួតប្រជែងប្រកបដោយភាពថ្លៃថ្នូរ ព្រមទាំងជាការជំរុញការសម្រិតសម្រាំងធនធានអត្តពលិកឆ្នើមៗ ដើម្បីត្រៀមលក្ខណៈតំណាងឱ្យកម្ពុជាចូលរួមប្រកួតប្រជែងដណ្តើមមេដាយលើឆាកអន្តរជាតិនានា។

ទន្ទឹមជាមួយកិច្ចសហការនេះដែរ តំណាងក្រុមហ៊ុន វឌ្ឍនៈ បានបង្ហាញនូវមោទនភាពយ៉ាងក្រៃលែង ដែលបានបន្តចូលរួមចំណែកជាម្ចាស់ឧបត្ថម្ភផ្តាច់មុខក្នុងព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដ្បិតការគាំទ្រវិស័យកីឡា មិនមែនត្រឹមតែជាការឧបត្ថម្ភដល់ការប្រកួតប៉ុណ្ណោះទេ ប៉ុន្តែគឺជាការវិនិយោគដ៏មានតម្លៃបំផុតលើសុខុមាលភាព ស្មារតីតស៊ូ និងសក្តានុពលរបស់យុវជនកម្ពុជា។ ជាមួយគ្នា ក្រុមហ៊ុនក៏បានកោតសរសើរចំពោះភាពក្លាហាន និងការខិតខំប្រឹងប្រែងរបស់អត្តពលិកគ្រប់រូប ហើយក្រុមហ៊ុន នឹងនៅតែបន្តឈរនៅពីក្រោយគាំទ្រគ្រប់ជំហាន ដើម្បីជំរុញឱ្យទង់ជាតិកម្ពុជាកាន់តែបក់រវិចយ៉ាងត្រដែតលើឆាកអន្តរជាតិ។

លើលសពីព្រឹត្តិការណ៍កីឡាកម្រិតកំពូលថ្នាក់ជាតិនេះ ក្រុមហ៊ុន ក៏តែងតែដើរតួនាទីយ៉ាងសកម្មក្នុងការគាំទ្រដល់ប្រភេទកីឡាជាច្រើនទៀត រួមមានកីឡាបាល់ទាត់ ប្រដាល់គុនខ្មែរ ប្រដាល់សកល កីឡាតេក្វាន់ដូ និងកីឡារត់ប្រណាំង ក៏ដូចជាកីឡាកាយសម្ព័ន្ធជាដើម ក្នុងគោលបំណងលើកទឹកចិត្តដល់ប្រជាពលរដ្ឋ ជាពិសេសស្រទាប់យុវជនជំនាន់ក្រោយ ឱ្យងាកមកស្រឡាញ់កីឡា ចូលរួមលេងកីឡាដើម្បីសុខភាព ព្រមទាំងបណ្តុះស្មារតីវិន័យ ការតស៊ូ អំណត់ព្យាយាម និងសាមគ្គីភាពតាមរយៈវិស័យកីឡា។

ចក្ខុវិស័យ និងការប្តេជ្ញាចិត្តក្នុងការកសាងធនធានមនុស្ស និងអនាគតដ៏រឹងមាំរបស់កម្ពុជានេះ ក៏បានឆ្លុះបញ្ចាំងយ៉ាងច្បាស់តាមរយៈសកម្មភាពទំនួលខុសត្រូវសង្គមជាច្រើនទៀតរបស់ក្រុមហ៊ុន ដែលបានបន្តចូលរួមគាំទ្រយ៉ាងសកម្មលើវិស័យអប់រំ វប្បធម៌ មនុស្សធម៌ និងការអភិវឌ្ឍសហគមន៍ ហើយ វឌ្ឍនៈ នឹងនៅតែបន្តបេសកកម្មក្នុងការរួមចំណែកជាមួយសង្គមជាតិ ដើម្បីជំរុញ និងលើកកម្ពស់វិស័យកីឡាឱ្យកាន់តែរីកចម្រើនឈានឡើងជាលំដាប់ ព្រមទាំងបន្តផ្តល់កម្លាំងចិត្តដល់កីឡាករ-កីឡាការិនីខ្មែរគ្រប់រូប ឱ្យបន្តខិតខំហ្វឹកហាត់ និងអភិវឌ្ឍសមត្ថភាពឱ្យកាន់តែខ្លាំងក្លា ដើម្បីនាំមកនូវកិត្យានុភាព និងមោទនភាពជូនជាតិមាតុភូមិ៕ អត្ថបទ លី ឈុនឡា

អត្ថបទដែលទាក់ទង

យុវជនកម្ពុជា ជួបមីយ៉ាន់ម៉ាបង្គ្រប់កិច្ច ក្រោយអស់ឱកាសប្រជែងកៅអីជុំបន្ដពាន U17 អាស៊ី
2026/11/17 11:11:26 am        1
វឌ្ឍនៈ បង្ហាញមោទនភាពក្នុងការរួមចំណែកជាមួយជោគជ័យដ៏ត្រចះត្រចង់ក្នុងព្រឹត្តិការណ៍កីឡាជាតិ ឆ្នាំ២០២៦
2026/11/17 10:40:45 am        1
U17 កម្ពុជា បន្ដចាញ់អាហ្វហ្គានីស្ថាន ក្នុងវគ្គជម្រុះពាន AFC U17 Asian Cup 2027 នៅមីយ៉ាន់ម៉ា
2026/11/12 03:30:27 pm        1

បណ្ដាញសង្គម

ព័ត៌មានចុងក្រោយ

​កម្ពុជាស្វាគមន៍វិស័យឯកជន ចូលរួមប្រែក្លាយបច្ចេកវិទ្យាកសិកម្ម ជាដំណោះស្រាយសេដ្ឋកិច្ចប្រកបដោយចីរភាព

2026/11/17 11:55:39 am
​ផលិតផលសូត្រខ្មែរកំពុងដើរតួជាទូតវប្បធម៌ បង្ហាញភាពសម្បូរបែបនៃបេតិកភណ្ឌ និងសិល្បៈខ្មែរទៅ កាន់ពិភពលោក
2026/11/17 11:48:54 am
​ឧបនាយករដ្ឋមន្រ្តី ហ៊ុន ម៉ានី អញ្ជើញជាអធិបតីសម្ពោធដាក់ឱ្យប្រើប្រាស់ជាផ្លូវការសមិទ្ធផលកែលម្អហេដ្ឋារចនាសម្ព័ន្ធ និងឧបករណ៍វេជ្ជសាស្ត្រ មន្ទីរពេទ្យបង្អែកចំនួន៣ នៃខេត្តកំពង់ស្ពឺ
2026/11/17 11:39:53 am
​អង្គប្រជុំហ្រ្វង់កូហ្វូនីលើកទី២០ សម្រេចបើការិយាល័យសហប្រតិបត្តិការសេដ្ឋកិច្ចហ្វ្រង់កូហ្វូនីនៅប្រទេសកម្ពុជា
2026/11/17 11:31:42 am
​កិច្ចប្រជុំកំពូលហ្វ្រង់កូហ្វូនីចេញសេចក្ដីអំពាវនាវទីក្រុងភ្នំពេញលើ «កិច្ច​ការពារ​បេតិក​ភណ្ឌ​វប្បធម៌ ​និងការលើកកម្ពស់ភាពចម្រុះ នៃវប្បធម៌»
2026/11/17 11:29:19 am

ព័ត៌មានពេញនិយម

​ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

2026/11/16 02:05:35 pm
​ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »
2026/10/04 02:54:00 pm
​សម្ដេចតេជោ ហ៊ុន សែន​ ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន
2026/11/17 02:18:28 am
​សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស
2026/11/15 08:31:39 pm
​សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់​ លើ​ករណី​រំលោភ​សម្លាប់ នៅសង្កាត់អូរស្មាច់
2026/11/17 11:57:03 am

ព័ត៌មានវីដេអូ

​ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

2026/01/23 04:36:39 am
រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី
2024/09/02 04:13:57 pm
ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់
2023/11/30 09:02:15 am
កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក
2023/06/13 02:57:12 am
រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ
2022/10/14 03:38:02 pm