អង្គការ​ផ្កាយ​សមុទ្រ​កម្ពុជា​បើក​ការប្រកួត​បាល់ទាត់​កុមារ និង​យុវជន​លើក​ទី​ប្រាំ​ប្រចាំឆ្នាំ​២០២២ នៅ​ខេត្ត​កំពង់ស្ពឺ​

អង្គការផ្កាយសមុទ្រកម្ពុជាបើកការប្រកួតបាល់ទាត់កុមារ និងយុវជនលើកទីប្រាំប្រចាំឆ្នាំ២០២២ នៅខេត្តកំពង់ស្ពឺ

បាល់ទាត់៖ ការប្រកួតបាល់ទាត់កុមារ និងយុវជន AIA - ISF Youth League លើកទីប្រាំបានប្រព្រឹត្តនៅខេត្តកំពង់ស្ពឺ តាមរយៈកិច្ចសហការជាមួយនឹងក្រុមហ៊ុន AIA Cambodia អង្គការផ្កាយសមុទ្រកម្ពុជា (ISF) បានរួមគ្នារៀបចំការប្រកួតបាល់ទាត់កុមារ និងយុវជន AIA - ISF Youth League ប្រចាំឆ្នាំ២០២២ ចំនួនប្រាំលើកនៅក្នុងខេត្តបួនផ្សេងគ្នាទៀត។

ក្នុងគោលបំណងបង្កើនលទ្ធភាពចូលរួមរបស់កីឡាករ-កីឡាការនី អង្គការក្រៅរដ្ឋាភិបាលនៅកម្ពុជាមួយនេះមានក្តីរីករាយក្រៃលែង ក្នុងការពង្រីកវិសាលភាពនៃវិស័យបាល់ទាត់កម្ពុជារបស់ខ្លួន ទៅកាន់ខេត្តក្រុងនានាដូចជាក្រុងកំពត ក្រុងសៀមរាប បាត់ដំបង និងខេត្តកំពង់ស្ពឺជាដើម។ អ្នកស្រី ជួប វិច្ឆិកា ជាប្រធានគ្រប់គ្រងប្រចាំប្រទេសរបស់អង្គការផ្កាយសមុទ្រកម្ពុជាបានឲ្យដឹងថា “តាមរយៈកិច្ចសហការជាមួយនឹងក្រុមហ៊ុន AIA Cambodia ពួកយើងពិតជាអាចនាំយកការរៀនសូត្រជំនាញបំណិនជីវិតសំខាន់ៗ ដូចជាស្មារតីស្រលាញ់គាំទ្រកីឡា ការធ្វើការងារជាក្រុម និងសាមគ្គីភាពទាំងនៅក្នុង និងក្រៅទីលាន។ អ្វីដែលកាន់តែសំខាន់ទៅទៀតនោះ ព្រឹត្តិការណ៍ប្រកួតបាល់ទាត់បែបនេះបានផ្តល់ដល់កុមារ និងយុវជនក្រីក្រទាំងនោះនូវឱកាសលេងកំសាន្ត ក៏ដូចជាបង្កើតសហគមន៍រួមគ្នា និងកសាងមិត្តភាពដ៏យូរអង្វែងទៀតផង”។

លោកស្រីបានបន្តទៀតថា ការប្រកួតនៅខេត្តកំពង់ស្ពឺនេះគឺជាការចាប់ផ្តើមនៃការប្រកួតលើកទី៥ នៃព្រឹត្តិការណ៍ប្រកួតបាល់ទាត់កុមារ កុមារី និងយុវជន AIA - ISF Youth League ប្រចាំឆ្នាំ២០២២ សម្រាប់ឆ្នាំទីប្រាំនៃការរៀបចំការប្រកួតបាល់ទាត់នេះ អង្គភាពទាំងពីរគឺពិតជាមានមោទនភាព យ៉ាងខ្លាំង ដែលបានឃើញពីការផ្លាស់ប្តូរជាវិជ្ជមាននៅក្នុងជីវិតកុមារ និងយុវជនជាច្រើន តាមរយៈការ ប្រកួតកីឡាប្រចាំឆ្នាំបែបនេះ។ សូមបញ្ជាក់ថា ការប្រកួតបាល់ទាត់កុមារ និងយុវជន AIA - ISF Youth League នៅខេត្តកំពង់ស្ពឺនឹងប្រព្រឹត្តទៅរយៈពេល ៩សប្តាហ៍ជាប់ៗគ្នាមានកីឡាករ-កីឡាការនីចំនួន ៣៦០នាក់ដែលបែងចែកទៅតាមប្រភេទអាយុចំនួនបួនផ្សេងៗគ្នាដូចជា ក្រុមកុមារាកុមារីអាយុក្រោម ១០ឆ្នាំ, អាយុក្រោម ១៤ឆ្នាំ និងអាយុក្រោម ១៨ឆ្នាំ។ ក្រុមឈ្នះក្នុងការប្រកួតនៅតាមខេត្តទាំងអស់ នឹងត្រូវមកចូលរួមប្រកួតប្រជែងយកពានរង្វាន់នៅវគ្គផ្តាច់ព្រ័ត្រ AIA - ISF Grand Championship League នៅថ្ងៃអាទិត្យ ទី១៤ ខែសីហា នៅទីលានបាល់ទាត់អង្គការផ្កាយសមុទ្រកម្ពុជានៅរាជធានីភ្នំពេញ៕

អត្ថបទ៖ លី ឈុនឡា

អត្ថបទដែលទាក់ទង

វ័យ ៤០ ឆ្នាំ Luka Modric បន្តកិច្ចសន្យាថ្មីជាមួយ AC Milan មួយឆ្នាំទៀត

Arsenal នាំយកខ្សែប្រយុទ្ធក្រិក Christos Tzolis ពី Club Brugge ក្នុងតម្លៃ ៣៤ លានផោន

មន្រ្តីជាន់ខ្ពស់ក្រសួងអប់រំ៖ ការប្រកួតកីឡាជាតិ-កីឡាជាតិជនពិការ ត្រូវរៀបចំតាមលំនាំហ្គេមស្តង់ដា លើប្រភេទកីឡានីមួយៗ

បណ្ដាញសង្គម

ព័ត៌មានចុងក្រោយ

UN ៖ ជាង ២ ភាគ ៣នៃពលរដ្ឋហ្កាហ្សា អាចនឹងប្រឈមនឹងភាពអត់ឃ្លានធ្ងន់ធ្ងរនៅដំណាច់ឆ្នាំនេះ

ប្រធានាធិបតីលីបង់៖ ពេលវេលាមកដល់ហើយ ដើម្បីបញ្ចប់សង្គ្រាម ក្រោយមានជំនួបផ្លែផ្កាជាមួយលោក Trump

មនុស្ស ១៤នាក់ស្លាប់ និង ២៤នាក់រងរបួស អំឡុងការបំផ្ទុះគ្រាប់បែកអត្តឃាតនៅភាគពាយ័ព្យប៉ាគីស្ថាន

ភ្លៀងធ្លាក់ខ្លាំង និងទឹកជំនន់ បានសម្លាប់មនុស្សយ៉ាងហោច ៤០នាក់ នៅរដ្ឋ Assam ប្រទេសឥណ្ឌា

ការឡើងថ្លៃឱសថបង្កបញ្ហាខ្លាំងដល់អ្នកជំងឺមហារីករាប់ពាន់នាក់នៅប្រទេសស៊ូដង់

ព័ត៌មានពេញនិយម

ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់ លើករណីរំលោភសម្លាប់ នៅសង្កាត់អូរស្មាច់

សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស

ព័ត៌មានវីដេអូ

ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់

កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក

រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

អង្គការផ្កាយសមុទ្រកម្ពុជាបើកការប្រកួតបាល់ទាត់កុមារ និងយុវជនលើកទីប្រាំប្រចាំឆ្នាំ២០២២ នៅខេត្តកំពង់ស្ពឺ