រដ្ឋសភាកម្ពុជា-ន័រវែស ពង្រឹងកិច្ចសហប្រតិបត្តិការដើម្បីសន្តិភាព កិច្ចសន្ទនាទាំងក្របខណ្ឌទ្វេភាគី និងពហុភាគី

2026/11/20 01:23:52 pm        78

(ហ្វីលីពីន) នៅព្រឹកថ្ងៃទី២០ ខែវិច្ឆិកា ឆ្នាំ២០២៦ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា ឆ្លៀតនៅក្នុងឱកាសចូលរួមមហាសន្និបាតអាយប៉ាលើកទី៤៧ នៅប្រទេសហ្វីលីពីន បានជួបពិភាក្សាការងារជាមួយឯកឧត្តម ថេលេហ្វ អ៊ីង ម៉ូរឡង់ គណៈប្រតិភូសភាន័រវែស ក្នុងការពង្រឹងចំណងមិត្តភាព កិច្ចសហប្រតិបត្តិការប្រទេសទាំងពីរឱ្យកាន់តែរឹងមាំ និងស៊ីជម្រៅឡើង ដើម្បីនាំមកនូវផលប្រយោជន៍ដល់ប្រជាជាតិទាំងសងខាង។

ជំនួបពិភាក្សាការងារស្ថិតនៅក្នុង​បរិយាកាសស្និទ្ធស្នាល និងបើកចំហ ពីការងារការទូតសភា ការលើកកម្ពស់វិស័យពាណិជ្ជកម្ម ទេសចរណ៍ និងអប់រំ ព្រមទាំងបានឯកភាពគ្នាពង្រឹងកិច្ចសហប្រតិបត្តិការរដ្ឋសភាប្រទេសទាំងពីរឱ្យកាន់តែរឹងមាំឡើង មានការជួបសន្ទនា ផ្លាស់ប្តូរបទពិសោធន៍នៅគ្រប់កម្រិត គឺកម្រិតថ្នាក់ដឹកនាំ គណៈកម្មការជំនាញ ក្រុមមិត្តភាព សមាជិកសភាស្ត្រី សមាជិកសភាវ័យក្មេង និងកម្រិតអគ្គលេខាធិការដ្ឋានដោយផ្ទាល់ ឬតាមប្រព័ន្ធអនឡាញ។

សម្តេចប្រធានរដ្ឋសភា បានសូមស្វាគមន៍ចំពោះការវិនិយោគរបស់ប្រទេសន័រវែស លើវិស័យថាមពលកកើតឡើងវិញ ជលផល និងវារីវប្បកម្មប្រកបដោយចីរភាព ឧស្សាហកម្មនាវាចរណ៍ និងសេដ្ឋកិច្ចបៃតង។ ក្នុងន័យនេះ សម្តេចស្នើរដ្ឋសភាប្រទេសទាំងពីរអាចធ្វើការពិគ្រោះយោបល់ជាមួយវិស័យឯកជន រួមទាំងសហគ្រាសធុនតូច និងមធ្យម ជំរុញការវិនិយោគ និងទេសចរណ៍រវាងប្រទេសទាំងពីរ។

ឯកឧត្តម ថេលេហ្វ អ៊ីង ម៉ូរឡង់ បានគាំទ្រប្រសាសន៍លើកឡើងរបស់សម្តេចប្រធានរដ្ឋសភា។ ន័រវែសបានផ្តល់តម្លៃលើចំណងមិត្តភាព កិច្ចសហប្រតិបត្តិការ ការរួមគ្នាដើម្បីពង្រឹងផលប្រយោជន៍ពលរដ្ឋគឺជាការសំខាន់បំផុត ដូច្នេះហើយបានជាមានវត្តមានន័រវែសក្នុងមហាសន្និបាតអាយប៉ា។ ន័រវែសបន្តពង្រឹងកិច្ចសហប្រតិបត្តិការជាមួយកម្ពុជា ទាំងក្នុងក្របខណ្ឌទ្វេភាគី និងពហុភាគី។

សម្តេចរដ្ឋសភាធិបតី បានមានប្រសាសន៍ថា កម្ពុជាវាយតម្លៃខ្ពស់ចំពោះការចូលរួមដ៏យូរអង្វែងរបស់ន័រវែសក្នុងការលើកកម្ពស់សន្តិភាព និងការផ្សះផ្សាជាតិ តាមរយៈកិច្ចសន្ទនា កិច្ចសម្របសម្រួល និងការគាំទ្រដល់ដំណើរការកសាងសន្តិភាពនៅតំបន់ផ្សេងៗ។ ប្រទេសន័រវែស គឺជាមិត្តចាស់ដ៏គួរឱ្យទុកចិត្តមួយរបស់ប្រទេសកម្ពុជា។ ទំនាក់ទំនងការទូតរវាងប្រទេសយើងទាំងពីរ បានចាប់ផ្តើមតាំងពីឆ្នាំ១៩៧៦ មកម្ល៉េះ និងត្រូវបានបង្កើតឡើងវិញនៅឆ្នាំ១៩៩៤។

ឆ្លៀតនៅក្នុងឱកាសនោះ សម្តេចប្រធានរដ្ឋសភា បានចែករំលែកព័ត៌មានពិតមួយចំនួន ដល់សមភាគីន័រវែស ពីស្ថានភាពពលរដ្ឋភៀសសឹកខ្មែរចំនួនជាង ២ម៉ឺននាក់ ដែលមិនអាចវិលត្រឡប់ទៅលំនៅឋានវិញបាន ដោយសារមានការរំលោភបទឈប់បាញ់ រំលោភច្បាប់អន្តរជាតិ ពីសំណាក់យោធា​ថៃ។ ក្នុងនាមតំណាងប្រជាពលរដ្ឋ សម្តេចបានស្នើសហគមន៍អន្តរជាតិជំរុញភាគីថៃធ្វើយ៉ាងណាឱ្យពលរដ្ឋខ្មែរស្លូតត្រង់បានវិលត្រឡប់ទៅលំនៅឋានវិញដោយសេចក្តីថ្លៃថ្នូរ។ ចំពោះការដោះស្រាយបញ្ហាព្រំដែនត្រូវគោរពច្បាប់អន្តរជាតិ និងយន្តការទ្វេភាគី។ បន្ទាត់ព្រំដែនប្រទេសទាំងពីរ បានទទួលស្គាល់ដោយអន្តរជាតិជាង ១០០ឆ្នាំមកហើយ។ ដូច្នេះ សូមទុកបញ្ហានេះ ឱ្យគណៈកម្មការចម្រុះខណ្ឌសីមាព្រំដែនគោក (JBC) ដោះស្រាយ ក្នុងការវាស់វែង និងបោះបង្គោលឡើងវិញ។

សម្តេចរដ្ឋសភាធិបតី ឃួន សុដារី បានគូសបញ្ជាក់ថា ដូចដែលអន្តរជាតិបានដឹងហើយគឺ កម្ពុជាគោរពច្បាប់អន្តរជាតិ យន្តការទ្វេភាគីដែលមានស្រាប់ក្នុងការដោះស្រាយជម្លោះ កម្ពុជាបានឆ្លងកាត់សង្គ្រាមយ៉ាងជូរចត់ ដូច្នេះមិនត្រូវការសង្គ្រាមឡើយ។ សង្គ្រាមមិនអាចឱ្យប្រទេសណាមួយឈ្នះប្រទេសមួយទៀតទេ សង្គ្រាមមានតែអ្នកចាញ់ ដូច្នេះការបញ្ចប់សង្គ្រាមមានតែការចរចាមួយប៉ុណ្ណោះ។

ភាគីទាំងពីរបានលើកឡើងថា ប្រទេសកម្ពុជា និងប្រទេសន័រវែស មានការប្តេជ្ញាចិត្តយ៉ាងមុតមាំរួមគ្នា ចំពោះការដោះស្រាយជម្លោះដោយសន្តិវិធី ការគោរពច្បាប់អន្តរជាតិ និងធម្មនុញ្ញអង្គការសហប្រជាជាតិ ព្រមទាំងពហុភាគីនិយមដែលបើកចំហ និងប្រកបដោយបរិយាបន្ន៕

អត្ថបទដែលទាក់ទង

Walk Street ចាប់ផ្ដើមបើកនៅថ្ងៃស្អែក ខណៈទេសចរ​ត្រៀម​ខ្លួន​ចូល​ទស្សនា​កម្សាន្ត​លើក​កម្ពស់​សេដ្ឋកិច្ចជាតិ
2026/11/20 02:09:06 pm       
មូលដ្ឋានអាជីវកម្មទេសចរណ៍នៅភ្នំពេញត្រៀមលក្ខណៈរួចរាល់ សម្រាប់ឱកាស​ព្រះរាជ​ពិធី​បុណ្យ​អុំទូក
2026/11/20 01:56:12 pm        1
អ្នកនយោបាយនិងអ្នកវិភាគ បង្ហាញសុទិដ្ឋិនិយមថាកិច្ចប្រជុំលើកទី៣របស់ UNCLOS នឹងមានវឌ្ឍនភាពរិតតែល្អប្រសើរ
2026/11/20 01:38:32 pm        1

បណ្ដាញសង្គម

ព័ត៌មានចុងក្រោយ

​Walk Street ចាប់ផ្ដើមបើកនៅថ្ងៃស្អែក ខណៈទេសចរ​ត្រៀម​ខ្លួន​ចូល​ទស្សនា​កម្សាន្ត​លើក​កម្ពស់​សេដ្ឋកិច្ចជាតិ

2026/11/20 02:09:06 pm
​មូលដ្ឋានអាជីវកម្មទេសចរណ៍នៅភ្នំពេញត្រៀមលក្ខណៈរួចរាល់ សម្រាប់ឱកាស​ព្រះរាជ​ពិធី​បុណ្យ​អុំទូក
2026/11/20 01:56:12 pm
​អ្នកនយោបាយនិងអ្នកវិភាគ បង្ហាញសុទិដ្ឋិនិយមថាកិច្ចប្រជុំលើកទី៣របស់ UNCLOS នឹងមានវឌ្ឍនភាពរិតតែល្អប្រសើរ
2026/11/20 01:38:32 pm
​រដ្ឋសភាកម្ពុជា-ន័រវែស ពង្រឹងកិច្ចសហប្រតិបត្តិការដើម្បីសន្តិភាព កិច្ចសន្ទនាទាំងក្របខណ្ឌទ្វេភាគី និងពហុភាគី
2026/11/20 01:23:52 pm
​រាជរដ្ឋាភិបាលកំពុងបន្តអភិវឌ្ឍវិស័យអប់រំ និង​ការកែលម្អ​គុណភាព​សិក្សា​ដើ​ម្បី​ជំរុញ​វិស័យ​នេះ​ប្រកប​ដោយគុណភាព
2026/11/20 01:23:28 pm

ព័ត៌មានពេញនិយម

​ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

2026/11/20 03:31:16 am
​ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »
2026/10/04 02:54:00 pm
​សម្ដេចតេជោ ហ៊ុន សែន​ ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន
2026/11/19 04:44:43 pm
​សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស
2026/11/20 12:42:02 pm
​សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់​ លើ​ករណី​រំលោភ​សម្លាប់ នៅសង្កាត់អូរស្មាច់
2026/11/19 04:59:48 am

ព័ត៌មានវីដេអូ

​ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

2026/01/23 04:36:39 am
រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី
2024/09/02 04:13:57 pm
ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់
2023/11/30 09:02:15 am
កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក
2023/06/13 02:57:12 am
រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ
2022/10/14 03:38:02 pm