ទឹកធ្លាក់ជីអាំង តំបន់ទេសចរណ៍បែបធម្មជាតិ ក្នុងខេត្តមណ្ឌលគិរី ដែលទេសចរមិនគួរមើលរំលង

2026/11/20 03:21:37 pm        169

មណ្ឌលគិរី៖ ទឹកធ្លាក់ជីអាំង ដែលមានទីតាំងស្ថិតក្នុងភូមិពូញ៉ាវ ឃុំមេម៉ង់ ស្រុកកែវសីមា ខេត្ត​មណ្ឌ​ល​គិរី គឺជាតំបន់ទេសចរណ៍បែបធម្មជាតិ ដែលភ្ញៀវទេសចរ មិនគួរមើលរំលង ពេល​ទៅ​លេង​ខេត្ត​មណ្ឌលគិរី ហើយគួរនាំគ្នាទៅលេងកម្សាន្ត ក្នុងឱកាសបុណ្យអុំទូក បណ្ដែតប្រទីព និង​សំពះ​ព្រះខែ អកអំបុក ហើយក៏ជាការជួយដល់ប្រជាសហគមន៍ ដែលភាគច្រើន​ជា​ជនជា​តិ​ដើម​ភាគ​តិច។

លោក សាគុណ ជុ ប្រធានសហគមន៍ទេសចរណ៍ធម្មជាតិទឹកធ្លាក់ជីអាំង បានឲ្យដឹងថា ទីតាំង​ទេសចរណ៍​ធម្មជាតិមួយនេះ មានអំណោយផលផ្នែកទេសចរណ៍ច្រើនយ៉ាង ដូច​ជា​មាន​ផ្ទាំង​ថ្ម​តូច​ធំ​ងាយ​ស្រួលអង្គុយលេង មានត្រីធម្មជាតិ ព្រៃឈើ ភ្នំ ជាពិសេសមានទឹកធ្លាក់យ៉ាងត្រជាក់ ដែល​អាច​ឲ្យភ្ញៀ​វងូតទឹកលេងកម្សាន្តបាន ។

លោកបានបន្តថា សម្រាប់សេវាកម្មទេសចរណ៍វិញ គឺសហគមន៍មានរៀបចំកញ្ចប់សេវាដូចជា ផ្ទះស្នាក់ សេវាកម្មម្ហូបអាហារ ការនាំភ្ញៀវដើរលេង លក់ផលិតផល ឬវត្ថុអនុស្សាវរីយ៍ ការ​ជួល​សម្ភារ​ទេសចរណ៍ និងការសម្ដែងរបាំប្រពៃណីបងប្អូនជនជាតិដើមភាគតិច ដែល​រស់​នៅ​ក្នុង​តំបន់​នេះ​។

ប្រធានសហគមន៍ បានសង្កត់ធ្ងន់ថា ការទៅលេងកម្សាន្តនៅទីតាំងទេសចរណ៍នេះ គឺមិន​ត្រឹម​តែ​ជួយ​សហគមន៍ប៉ុណ្ណោះទេ ប៉ុន្តែថែមទាំងបានចូលរួមការពារបរិស្ថាន ព្រៃឈើ សត្វព្រៃ និង​ធន​ធាន​ធម្ម​ជាតិផ្សេងៗ ព្រោះបើកាលណាប្រជាសហគមន៍មានការងារធ្វើ និង​មាន​ប្រាក់​ចំណូល​បាន​មក​ពី​វិស័យទេសចរណ៍ ពួកគាត់ក៏លែងចូលព្រៃ ប្រព្រឹត្តិបទល្មើសព្រៃឈើទៀតហើយ។

លោក ហេង ខេង អនុប្រធានមន្ទីរបរិស្ថានខេត្តមណ្ឌលគិរី បានឲ្យដឹងថា ខេត្តមណ្ឌលគីរី មាន​សហគមន៍​ធំ​ៗ​ចំនួន៣ ក្នុងនោះមានសហគមន៍ការពារធនធម្មជាតិ សហគមន៍​ជន​ជាតិ​ដើម​ភាគ​តិច ​និងសហគមន៍ទេសចរណ៍ធម្មជាតិ ។ ហើយសម្រាប់សហគមន៍ទេសចរណ៍ធម្មជាតិ មាន​ដូច​ជា សហគមន៍ទេសចរណ៍ធម្មជាតិទឹកធ្លាក់ឡែងកៅ សហគមន៍ទេសចរណ៍ធម្មជាតិជីអាំង និង​សហគមន៍​ទេសចរណ៍ភ្នំណាមលា ខណៈនៅតំបន់ទឹកធ្លាក់ជីអាំង នៅ​មាន​លក្ខណៈ​បែប​ធម្មជាតិ​ច្រើន​។

លោក ខៀវ សំណាង ទីប្រឹក្សាផ្នែកលើកស្ទួយជីវភាពសហគមន៍នៃអង្គការ WCS បានលើក​ឡើង​ដែរ​​​​​ថា អង្គការ WCS បានចូលរួមគាំទ្រការអភិវឌ្ឍសហគមន៍នេះតាំងពីឆ្នាំ២០០៣ តាម​រយៈ​ការ​រៀបចំ​ចង​ក្រងក្រុមសហគមន៍ទេសចរណ៍ធម្មជាតិ និងជួយបង្កើត​ឯកសារ​គតិយុត្ត​ដែល​ទទួល​ស្គាល់​ដោ​យ​អាជ្ញាធរមូលដ្ឋានរហូតដល់ថ្នាក់ខេត្ត។

លោកបានបន្តថា WCS ក៏បានរៀបចំវគ្គ​បណ្តុះ​បណ្តាល​ដល់​សមាជិក​សហគមន៍​លើ​ការ​រៀបចំ​សេវា​កម្ម​ទេសចរណ៍ ម្ហូបអាហារ និងការពង្រឹងសមត្ថភាពគ្រប់គ្រង ដើម្បីឱ្យសហគមន៍​អាច​ដំណើរ​ការ​សេវាកម្មទេសចរណ៍ដោយខ្លួនឯងនាពេលអនាគត។ ក្រៅពីនេះគម្រោង​បាន​ជួយ​កែ​លម្អ​ហេដ្ឋា​រចនាសម្ព័ន្ធមួយចំនួន រួមមាន៖ ផ្លូវចូល កញ្ចុះសម្រាប់អង្គុយ ផ្ទះបាយ បន្ទប់​ទឹក​បែប​ធម្មជាតិ ​និងផ្ទះស្នាក់នៅចំនួន ២ខ្នង ដែលបំពាក់​ដោយ​សម្ភារៈ​សម្រា​ប់​ស្នាក់​នៅ​ និង​ប្រព័ន្ធ​ភ្លើង​សូឡា​។ ហើយការអភិវឌ្ឍសហគមន៍ទេសចរណ៍នេះ បានរួមចំណែកកាត់បន្ថយការបរបាញ់សត្វ និងការកាប់បំផ្លាញព្រៃឈើ ព្រមទាំង​ជួយ​ឱ្យ​ប្រជា​ពលរដ្ឋ​មាន​ប្រភព​ចំណូល​បន្ថែម​ពី​សេវា​កម្ម​ទេសចរណ៍។

គួរបញ្ជាក់ដែរថា សហគមន៍ទេសចរណ៍ធម្មជាតិទឹកធ្លាក់ជីអាំង មានសេវា​កម្ម​ទេសចរណ៍​ដូចជា៖ ផ្ទះ​ស្នាក់​នៅ, ម្ហូបអាហារ សេវាដឹកជញ្ជូនតាមម៉ូតូ និងគោយន្ត និងសេវាវប្បធម៌ ប្រពៃណីជន​ជា​ដើម​ភាគតិច៕ អត្ថបទ បាន សុខរិទ្ធិ

អត្ថបទដែលទាក់ទង

កិច្ចប្រជុំពេញអង្គគណៈរដ្ឋមន្ត្រី សម្រេចអនុម័តទាំងស្រុង លើ សេចក្តីព្រាងរបាយការណ៍ និងសេចក្តីព្រាងច្បាប់សំខាន់ៗ ចំនួន៣
2026/11/20 05:18:56 pm        1
សម្តេចធិបតីណែនាំឱ្យក្រសួងធនធានទឹកនិងឧតុនិយម ត្រៀមខ្លួនទប់ទល់ជាមួយបាតុភូតអ៊ែលនីញ៉ូ
2026/11/20 05:06:41 pm        1
សម្តេចធិបតី ៖ ការរៀបចំកិច្ចប្រជុំកំពូលហ្វ្រង់កូហ្វូនីលើកទី២០ បង្ហាញឱ្យពិភពលោកបានឃើញថាកម្ពុជាជាប្រទេសដែលមានសន្តិភាព សន្តិសុខ និងសុវត្ថិភាពពេញលេញ
2026/11/20 04:57:32 pm        1

បណ្ដាញសង្គម

ព័ត៌មានចុងក្រោយ

​ចលនា​តវ៉ា នៅអឺរ៉ុប រួមគ្នាប្រឆាំងនឹងការចំណាយខ្ពស់​លើ​ជីវភាពរស់នៅ​ និងយោធូបនីយកម្ម​

2026/11/20 05:25:17 pm
​នាយករដ្ឋមន្ត្រីជប៉ុន ស្ថិត​ក្នុង​ស្ថាន​ភាព​ចាក់ស្រេះ​ជាមួយរុស្ស៊ី និងចិន អំឡុង​ទស្សនកិច្ច នៅអាស៊ី
2026/11/20 05:19:29 pm
​កិច្ចប្រជុំពេញអង្គគណៈរដ្ឋមន្ត្រី សម្រេចអនុម័តទាំងស្រុង លើ សេចក្តីព្រាងរបាយការណ៍ និងសេចក្តីព្រាងច្បាប់សំខាន់ៗ ចំនួន៣
2026/11/20 05:18:56 pm
​សមាជិកសភាអាមេរិក ជិត​មាន​កិច្ច​ព្រមព្រៀងហាមឃាត់រថយន្តចិន ប៉ុន្តែ​​លើកលែងក្រុមហ៊ុន Mercedes
2026/11/20 05:17:51 pm
​តុលាការកំពូលរបស់ UN សម្រេចថា មីយ៉ាន់ម៉ាបានប្រព្រឹត្តអំពើប្រល័យពូជសាសន៍លើជនរ៉ូហ៊ីងយ៉ា តែ​រដ្ឋាភិបាល​ចាត់ទុក​ថា អយុត្តិធម៌
2026/11/20 05:14:18 pm

ព័ត៌មានពេញនិយម

​ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

2026/11/20 03:31:16 am
​ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »
2026/10/04 02:54:00 pm
​សម្ដេចតេជោ ហ៊ុន សែន​ ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន
2026/11/19 04:44:43 pm
​សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស
2026/11/20 12:42:02 pm
​សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់​ លើ​ករណី​រំលោភ​សម្លាប់ នៅសង្កាត់អូរស្មាច់
2026/11/19 04:59:48 am

ព័ត៌មានវីដេអូ

​ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

2026/01/23 04:36:39 am
រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី
2024/09/02 04:13:57 pm
ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់
2023/11/30 09:02:15 am
កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក
2023/06/13 02:57:12 am
រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ
2022/10/14 03:38:02 pm