ភ្នំពេញ៖ សមាគមអាជីវករសេដ្ឋកិច្ចក្រៅប្រព័ន្ធដើម្បីសន្តិភាព ដែលដឹកនាំដោយ លោក កៀង ល័ក្ស អភិបាលរង ខណ្ឌកំបូល នៅ ព្រឹកថ្ងៃទី២៤ ខែមីនា ឆ្នាំ ២០២១ បានជួយសម្រួលដឹកបងប្អូនប្រជាពលរដ្ឋអាយុចាប់ពី៦០ឆ្នាំឡេីងដែលរស់នៅក្នុងមូលដ្ឋានខណ្ឌកំបូល ទៅចាក់វ៉ាក់សាំង ដោយមិនគិតប្រាក់ឡេីយ។

នេះបេីតាមការបញ្ជាក់ពីក្រុមសមាជិក របស់ សមាគមអាជីវករសេដ្ឋកិច្ចក្រៅប្រព័ន្ធដើម្បីសន្តិភាព បានអោយដឹងថា "សមាគមអាជីវករ សេដ្ឋកិច្ច ក្រៅប្រព័ន្ធ ដើម្បីសន្តិភាពក្រុមកង់បីយើងខ្ញុំ បានសម្រួលការធ្វើដំណើរជូនប្រជាពលរដ្ឋទៅចាក់ថ្នាំការពារកូវីត ១៩ សូមចូលរួមទាំងអស់គ្នា។

ការជួយសម្រួលការធ្វេីដំណេីរជូនបងប្អូនប្រជាពលរដ្ឋទៅចាក់វ៉ាក់សាំងដោយមិនគិតថ្លៃនេះគឺធ្វេីឡេីងនៅខណ្ឌកំបូល ទីតាំង នៅ មន្ទីរពេទ្យបង្អែក ពោធិ៍ចិនតុង ដេីម្បីជួយសម្រួលបងប្អូនប្រជាពលរដ្ឋដែលខ្វះខាតថវិការក្នុងការធ្វេីដំណេីរ រហូតដល់បិទបញ្ចប់ការចាក់វ៉ាក់សាំងតែម្តង។

សូមបញ្ជាក់ថាដំណេីរនៃការចាក់វ៉ាក់សាំងជូនបងប្អូនប្រជាពលរដ្ឋដែលមានអាយុចាប់ពី៦០ឡេីង គឺដំណេីរការរយ:ពេល១៥ថ្ងៃ  ដែលចាប់ផ្តេីម ចាក់ចាប់ពីថ្ងៃទី២៣ ខែមីនា មកដែលការចាក់វ៉ាក់សាំងនេះមិនគិតប្រាក់ ពីបងប្អូនប្រជាពលរដ្ឋឡេីយ៕អត្ថបទ៖ កុម្ភះ