កំពង់ស្ពឺ៖ អនុប្រធានក្រុមការងារគណបក្សប្រជាជនកម្ពុជាចុះមូលដ្ឋានស្រុកឱរ៉ាល់ និងជាប្រធានក្រុមការងារចុះជួយឃុំតាសាល ស្រុកឱរ៉ាល់ ខេត្តកំពង់ស្ពឺ ឯកឧត្តម យឿន យឿត នៅថ្ងៃទី២៩ ខែឧសភា ឆ្នាំ២០២២ នេះ បានដឹកនាំសមាជិក-សមាជិកាគណបក្សប្រជាជនកម្ពុជា នៅឃុំតាសាលទាំងមូលដង្ហែរគណបក្សជា ទ្រង់ទ្រាយធំ ដោយមានអ្នកចូលរួមប្រមាណជាង៦០០នាក់។

 មុននឹងយុទ្ធនាការដង្ហែរឃោសនាគណបក្ស នៅទីស្នាការគណបក្សឃុំតាសាល ឯកឧត្តម យឿន យឿត បានក្រើនរំលឹកដល់បងប្អូនជាសមាជិក-សមាជិកាទាំងអស់ត្រូវប្រកាន់ឥរិយាបថថ្លៃថ្នូស្របទៅតាម ការណែនាំរបស់ប្រធានគណបក្សប្រជាជនកម្ពុជា គឺសម្តេចតេជោ ហ៊ុន សែន ដែលជាប្រមុខដឹកនាំប្រ ទេសឆ្នើមរបស់ប្រទេសនាពេលបច្ចុប្បន្ន។ មួយវិញទៀតក៏មិនត្រូវប្រើពាក្យសម្តីមិនគប្បីណាមួយ ដែល ខុសនិងច្បាប់គ.ជ.ប.ផងដែរ។

ជាមួយគ្នានោះដែរ ឯកឧត្តមអនុប្រធានក្រុមការងារ ក៏បានបញ្ជាក់បន្ថែមដល់សមាជិក-សមាជិកា គណបក្សទាំងអស់អំពីគោលនយោបាយ របស់គណបក្សប្រជាជនកម្ពុជា ដែលជាគណបក្សនាំមកនូវសុខ សន្តិភាព និងការអភិវឌ្ឍរហូតដល់សព្វថ្ងៃនេះ គឺនៅតែបន្តលើកកម្ពស់លទ្ធិប្រជាធិបតេយ្យ សេរីពហុបក្ស លើកកម្ពស់ការអភិវឌ្ឍតាមមូលដ្ឋាន ដើម្បីជីវភាពរស់នៅរបស់ប្រជាជនកម្ពុជាទាំងមូលប្រកបដោយសុខ ដុមរមនាក្រោមម្លប់សន្តិភាព។

ធានាបំរើសេវាសាធារណៈជូនដល់បងប្អូនប្រជាពលរដ្ឋប្រកបដោយគុណភាព តម្លាភាព និងជឿទុកចិត្ត និងគោលនយោបាយជាច្រើនទៀតដើម្បីផលប្រយោជន៍របស់ប្រជាជននិង ប្រទេសជាតិទាំងមូល។

 ក្នុងយុទ្ធនាការឃោសនាគណបក្សនោះដែរ ឯកឧត្តម យឿន យឿត ក៏បានអំពាវនាវដល់បងប្អូនប្រជាពលរដ្ឋនៅឃុំតាសាលទាំងអស់ ទៅចូលរួមបោះឆ្នោតជ្រើសរើសក្រុមប្រឹក្សាឃុំ-សង្កាត់ដែលនឹងប្រព្រឹត្តិទៅនាថ្ងៃទី៥ ខែមិថុនា ឆ្នាំ២០២២នេះឲ្យបានគ្រប់គ្នា ខណៈបងប្អូនប្រជាពលរដ្ឋគ្រប់រូប មានសិទ្ធិជ្រើសរើស គណបក្សនយោបាយដែលខ្លួនពេញចិត្ត ហើយការជ្រើសរើសគណបក្សនយោបាយ ដែលត្រឹមត្រូវមានន័យថា បានចូលរួមយ៉ាងសំខាន់ក្នុងការអភិវឌ្ឍប្រទេសជាតិ។

ជាក់ស្តែងគណបក្សប្រជាជន ត្រូវបានប្រជាពលរដ្ឋផ្តល់ សេចក្តីជឿទុកចិត្ត និងប្រគល់សម្លេងឆ្នោតឲ្យដឹកនាំប្រទេសជាតិជាង៣០ឆ្នាំកន្លងមកហើយនោះ។

ឯកឧត្តម យឿន យឿត ក៏បានអំពាវនាវដល់ប្រជាពលរដ្ឋបោះឆ្នោតជូនគណបក្សប្រជាជនកម្ពុជា មានរូបសញ្ញាទេវតាបាចផ្កាដែលមានលេខរៀងកំណត់ទៅតាមបណ្តាឃុំ និងសង្កាត់នីមួយៗដើម្បីទទួលបានមេឃុំ និងចៅសង្កាត់ ដែលបម្រើប្រជាពលរដ្ឋ គិតគូរសុខទុក្ខប្រជាពលរដ្ឋ មានគោលនយោបាយដឹកនាំជាតិច្បាស់លាស់ ធានារក្សាបាននូវសុខសន្តិភាព និងការអភិវឌ្ឍ ជូនប្រទេសប្រទេសជាតិ និងពលរដ្ឋជាដើម៕ អត្ថបទបាន ចក់​​