តាកែវ៖ គ្រោះមហន្តរាយដោយសារខ្យល់កន្រ្តាក់មួយប្រាវកាលពីយប់ថ្ងៃ ច័ន្ទ ទី ៣០ ខែ ឧសភា ឆ្នាំ ២០២២កន្លងមកនៅក្នុងឃុំចំនួន៤នៅក្នុង ស្រុកព្រៃកប្បាស់ បានបណ្ដាលអោយមនុស្សចំនួន៦នាក់បានរងរបួសធ្ងន់និងផ្ទះរបស់បងប្អូនប្រជាពលរដ្ឋដែលចំនួនជាង១រយខ្នងបានរងការប៉ះពាល់។

 បើយោងតាមលោក ឡេង ប៊ុនឡុង អធិការនគបាលស្រុកព្រៃកប្បាសបានថ្លែងឲ្យដឹងថា គ្រោះមហន្តរាយដោយសារខ្យល់កន្រ្តាក់យប់មិញនៅបានកើតឡើងនៅក្នុងឃុំចំនួន៤ រួមមានឃុំបានកាម ឃុំចំប៉ា ឃុំពោធិរំចាក ឃុំព្រៃល្វា ហើយក្នុងចំណោមឃុំទាំង៤គឺឃុំបានកាមបានរងគ្រោះធ្ងន់ធ្ងរជាងគេ។ គ្រោះថ្នាក់ខ្យល់កន្រ្តាក់នេះបានបណ្ដាលអោយរំលំផ្ទះប្រជាពលរដ្ឋទាំងស្រុងចំនួន២២ខ្នង របើកដំបូលចំនួន១៤០ខ្នង និងបានបណ្ដាលអោយមនុស្សរងរបួសធ្ងន់៣នាក់និងស្រាលចំនួន៣នាក់។

 បើតាមលោកអធិការស្រុកព្រៃកប្បាសក្រោយកើតហេតុភ្លាម សមត្ថកិច្ចនគបាលដែលដឹកនាំដោយរូបលោកផ្ទាល់និងអាជ្ញាធមូលដ្ឋានបានចុះទៅជួយលើកផ្ទះបងប្អូនប្រជាពលរដ្ឋនិងបានបញ្ជូនជនរងគ្រោះមកព្យាបាលនៅមន្ទីពេទ្យបង្អែកស្រុកបានទាន់ពេលវេលា ដោយឡែកការផ្ដល់ជំនួយឧបត្ថមអាជ្ញាធបានធ្វើការបូកសរុបពីទំហ៊ំខូចខាតនិងបានរាយការណ៍ទៅរដ្ឋបាលខេត្តនិងកាកបាទក្រហមខេត្តតាកែវដើម្បីនាំអំណោយមនុស្សធម៌មកចួយបងប្អូនប្រជាពលរដ្ឋក្នុងពេលឆាប់ៗខាងមុខនេះ៕ អត្ថបទ ៖ វិភាគ