ពោធិ៍សាត់ះ ប្រជាពលរដ្ឋរស់នៅក្នុងស្រុកបាកានខេត្តពោធិ៍សាត់បានសម្ដែងទឹកមុខសប្បាយរីករាយជាមួយនឹងគោលនយោបាយអភិវឌ្ឍន៍និងការដឹកនាំរបស់គណបក្សប្រជាជន ដោយសារតែមានភាពច្បាស់លាស់ជាក់លាក់សន្យាហើយធ្វើដើម្បីបម្រើផលប្រយោជន៍ប្រជាពលរដ្ឋពិតប្រាកដមិនភូតកុហកនៅគ្រប់អាណិតបោះឆ្នោតនាពេលកន្លងមក។

ប្រជាពលរដ្ឋសម្ដែងអារម្មណ៍ជឿជាក់បែបនេះក្នុងពេលដែលឯកឧត្តមស៊ុយសែមរដ្ឋមន្ត្រី ប្រធានក្រុមការងារគណបក្សប្រជាជនកម្ពុជាចុះជួយខេត្តពោធិ៍សាត់ដឹកនាំក្រុមការងារធ្វើពិធីជួបសំណេះសំណាល ជាមួយ សមាជិកគណបក្សប្រជាជនកម្ពុជាប្រមាណ៣០០០នាក់ ក្នុងឃុំបឹងបត់កណ្តោល និងឃុំខ្នារទទឹង ស្រុកបាកាន នៅថ្ងៃទី២ ខែមិថុនា ឆ្នាំ ២០២២។

នាឱកាសនោះឯកឧត្តមរដ្ឋមន្ត្រីបានជម្រាបជូនថាស្របទៅតាមគោលនយោបាយរបស់គណបក្ស ដែលបានកំណត់ជាលាយលក្ខណ៍អក្សរដើម្បីអភិវឌ្ឍភូមិឃុំសង្កាត់ក្នុងក្របខណ្ឌទូទាំងប្រទេសជាគោលនយោបាយរូមធំៗសម្រាប់អាណត្តិបោះឆ្នោតឆ្នាំ ២០២២ និង ២០២៧ ដែលមាន ៧ ចំណុច ត្រូវបានផ្សព្វផ្សាយជូនសមាជិកនិងប្រជាពលរដ្ឋ។ ដូច្នេះហើយឃុំសង្កាត់នីមួយៗនៅទូទាំងប្រទេសបានរៀបចំគោលនយោបាយ លើ សភាពជាក់ស្ដែងដើម្បីអភិវឌ្ឍមូលដ្ឋានរបស់ខ្លួនក្នុងរយៈពេល ៥ឆ្នាំនោះពេលដែលខ្លួនជាប់ឆ្នោត។ ដូចជាផែនការសកម្មភាពអភិវឌ្ឍន៍សម្រាប់ឃុំបឹងបត់

កណ្តោល និងឃុំខ្នារទទឹងនេះ និងឃុំផ្សេងទៀតផងដែរ ។ ឯកឧត្តមរដ្ឋមន្ត្រីបានប្រកាសច្បាស់ៗនៅចំពោះមុខប្រជាពលរដ្ឋ ថានឹងកសាងហេដ្ឋារចនាសម័្ពន្ធផ្សេងៗ ដែលនៅសេសសល់ ដូចជាផ្លូវបេតុង ផ្លូវកៅស៊ូ ផ្លូវក្រាលគ្រួសក្រហម ផ្លូវដីស ស្ពានធ្វើពីបេតុង ស្ពានធ្វើពីឈើ និងការជួសជុល ការជីកស្រះទឹក ប្រពន្ធប្រឡាយទឹក ការរៀបចំប្រពន្ធលូ ការកសាងសាលា ហ្នឹងហេដ្ឋារចនាសម្ព័ន្ធរូបប្រវ័ន្តជាច្រើនផ្សេងទៀត ការបម្រើសេវាដែលជាតម្រូវការចាំបាច់របស់បងប្អូនប្រជាពលរដ្ឋក្នុងមូលដ្ឋាន នឹងត្រូវលេចចេញជារូបរាងនាពេលខាងមុខ។

ទាំងនេះ ធ្វើឲ្យប្រជាពលរដ្ឋពេញចិត្តដោយទឹកមុខរីករាយ សម្ដែងការជឿជាក់បាននាំគ្នាលើកឡើងថា មានតែគណបក្សប្រជាជនកម្ពុជាក្រោមការដឹកនាំរបស់សម្ដេចតេជោហ៊ុនសែន ធ្វើអោយប្រទេសមានសុខសន្តិភាពពេញបរិបូរ មានការអភិវឌ្ឍលើគ្រប់វិស័យ ហ៊ានថាហ៊ានធ្វើជាក់ស្តែងច្បាស់លាស់មិនកុហកបោកប្រាស់ ពួកគាត់ជាប្រជាពលរដ្ឋរស់នៅប្រកបរបរចិញ្ចឹមជីវិតកាន់តែប្រសើរឡើងជាដ៏រាប ៕​ អត្ថបទ ៖ ភារុន